మన భారత్, తెలంగాణ:
కాంగ్రెస్ పార్టీలో కీలక పరిణామం చోటుచేసుకుంది. సీనియర్ నేత జీవన్ రెడ్డి పార్టీకి రాజీనామా చేసినట్లు ప్రకటించారు. అనుచరుల సమక్షంలో ఈ నిర్ణయాన్ని వెల్లడిస్తూ, ఇటీవల జరిగిన పరిణామాలపై తన అసంతృప్తిని వ్యక్తం చేశారు.
జగిత్యాల ఎమ్మెల్యే సంజయ్ను కాంగ్రెస్ పార్టీలో చేర్చుకునే ప్రక్రియపై జీవన్ రెడ్డి తీవ్ర అసంతృప్తితో ఉన్నట్లు సమాచారం. ఈ నేపథ్యంలో ఆయన పార్టీని వీడకుండా ఉండేందుకు పీసీసీ చీఫ్తో పాటు పలువురు ప్రముఖ నేతలు చర్చలు జరిపినప్పటికీ, అవి ఫలించలేదు.
తన సమస్యకు పార్టీ నుంచి సరైన పరిష్కారం లభించకపోవడంతో, సన్నిహితులతో సంప్రదించి కాంగ్రెస్కు గుడ్బై చెప్పినట్లు ఆయన తెలిపారు. ఇకపై ఆయన ఏ రాజకీయ పార్టీలో చేరతారన్నది ఆసక్తికరంగా మారింది.
ఈ పరిణామం రాష్ట్ర రాజకీయాల్లో చర్చనీయాంశంగా మారగా, కాంగ్రెస్కు ఇది పెద్ద దెబ్బగా భావిస్తున్నారు.
