e-paper
హోం ఆరోగ్యం క్రైం సినిమా క్రీడలు బిజినెస్
✖ Close Home Privacy Policy Disclaimer About Us Terms & Conditions
Sunday, November 22, 2026

దండారి వేడుకల్లో పాల్గొన్న ఎమ్మెల్యే అనిల్ జాదవ్..

ఆదివాసీ సంస్కృతి, సంప్రదాయాలకు ప్రతీకగా దండారి ఉత్సవాలు

పాల్సి-కె గ్రామంలో దండారి (గుస్సాడి) వేడుకల్లో పాల్గొన్న బోథ్ ఎమ్మెల్యే అనిల్ జాదవ్

ఆదివాసీ కళాకారులతో కలిసి సంప్రదాయ నృత్యం చేసిన ఎమ్మెల్యే

మన భారత్, తలమడుగు: నవంబర్ 6, ఆదిలాబాద్ జిల్లా ఆదివాసీ పల్లెలు తరతరాలుగా వస్తున్న సంస్కృతి, సంప్రదాయాలు, కళలకు నిలయాలుగా నిలుస్తున్నాయని బోథ్ ఎమ్మెల్యే అనిల్ జాదవ్ అన్నారు. ఆదివాసీల ఆచార వ్యవహారాలు, సంప్రదాయ కళలను భావితరాలకు అందించడం ప్రతి ఒక్కరి బాధ్యత అని పేర్కొన్నారు.

తలమడుగు మండలంలోని పాల్సి-కె గ్రామంలో గ్రామస్థుల ఆహ్వానం మేరకు నిర్వహించిన దండారి (గుస్సాడి) ఉత్సవాల్లో శుక్రవారం ఎమ్మెల్యే అనిల్ జాదవ్ పాల్గొన్నారు. ఈ సందర్భంగా ఆదివాసీ కళాకారులతో కలిసి సంప్రదాయ దండారి నృత్యాలు చేస్తూ ఉత్సవాల్లో ఉత్సాహంగా పాల్గొన్నారు. కళాకారుల నృత్య ప్రదర్శనలను వీక్షించి వారి సంప్రదాయ కళలను అభినందించారు.

ఉత్తర తెలంగాణలో ప్రత్యేక గుర్తింపు పొందిన దండారి (గుస్సాడి) ఉత్సవాలు ఆదివాసీ సమాజపు సాంస్కృతిక వైభవానికి ప్రతీకగా నిలుస్తున్నాయి. ఈ వేడుకల్లో సంప్రదాయ వేషధారణలు, ప్రత్యేక నృత్య ప్రదర్శనలు, సామూహిక ఉత్సవాల ద్వారా ఆదివాసీల జీవన విధానం, ఆచారాలు, వారసత్వం ప్రతిబింబిస్తాయి. గ్రామీణ ప్రాంతాల్లో తరతరాలుగా ఈ ఉత్సవాలను కొనసాగించడం విశేషం.

ఈ సందర్భంగా ఎమ్మెల్యే అనిల్ జాదవ్ మాట్లాడుతూ ఆదివాసీల సంస్కృతి, సంప్రదాయాలు ఎంతో గొప్పవని, దండారి ఉత్సవాలు వారి ఐక్యతకు, కళా నైపుణ్యానికి, సాంస్కృతిక వారసత్వానికి నిదర్శనమని అన్నారు. పూర్వీకుల నుంచి అందిన ఇలాంటి విలువైన సంప్రదాయాలను కాపాడుకోవడంతో పాటు వాటి విశిష్టతను భావితరాలకు పరిచయం చేయాలని సూచించారు. ఆదివాసీ కళలు, ఆచారాలకు మరింత గుర్తింపు తీసుకువచ్చి వాటి గొప్పతనాన్ని ప్రపంచానికి చాటిచెప్పాల్సిన అవసరం ఉందని ఆకాంక్షించారు.

ఈ కార్యక్రమంలో మండల నాయకులు అభిరామ్ రెడ్డి, గ్రామ సర్పంచ్ నైతం చిను, వివిధ గ్రామాల పటేళ్లు, సర్పంచులు, పార్టీ కార్యకర్తలు, అభిమానులు, గ్రామస్థులు, ఆదివాసీ కళాకారులు తదితరులు పాల్గొన్నారు.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Bottom Navigation + Breaking Ticker
Breaking News LIVE