విఘ్నేశ్వరుని కృపాకటాక్షాలతో విఘ్నాలన్ని తొలగిపోయి ప్రజలంతా సుఖసంతోషాలతో ఉండాలి
-శాసనమండలి ప్రతిపక్షనేత సిరికొండ మధుసూదన్ చారి
మొగుళ్ళపల్లి, సెప్టెంబర్ 23, (మన భారత్):
జయశంకర్ భూపాలపల్లి జిల్లా మొగుళ్ళపల్లి మండలంలో శాసనమండలి ప్రతిపక్ష నేత సిరికొండ మధుసూదనాచారి మంగళవారం పర్యటించారు. మండల కేంద్రంలోని శ్రీ సాంబమూర్తి సామూహిక దేవాలయాన్ని సందర్శించి..వినాయకుని సేవలో పరితపించారు. అనంతరం ముదిరాజ్ కాలనీలో ఏర్పాటు చేసిన వినాయకుని మండపాన్ని సందర్శించి యువకులతో కలిసి ఫోటోలు దిగారు. ఈ సందర్భంగా ఆయన మాట్లాడారు. విగ్నేశ్వరుని కృపాకటాక్షాలతో విఘ్నాలన్ని తొలగిపోయి..ప్రజలంతా పాడి పంటలతో, సుఖసంతోషాలతో, అష్టైశ్వర్యాలతో, పిల్లాపాపలతో, కుటుంబ సభ్యులతో కలిసి ప్రశాంతమైన జీవితం గడపాలని ఆయన ఆకాంక్షించారు. బుధవారం నిర్వహించబోయే నిమజ్జనం సందర్భంగా..ప్రజలంతా భక్తి శ్రద్ధలతో, ఎలాంటి అవాంఛనీయ సంఘటనలు జరగకుండా, ప్రమాదాలు సంభవించకుండా..జాగ్రత్తలు పాటించి వినాయకుని నిమజ్జనం జరపాలన్నారు. ఈ కార్యక్రమంలో వినాయక ఉత్సవ కమిటీ సభ్యులు, మొగుళ్ళపల్లి మాజీ సర్పంచ్ ల ఫోరం మండల అధ్యక్షుడు చదువు అన్నారెడ్డి, మేదరమట్ల గ్రామం మాజీ సర్పంచ్ కొనుకటి అరవింద్ రెడ్డి, బీఆర్ఎస్ నాయకులు పడిదల మోహన్ రావు, అరికాంతపు అన్నారెడ్డి, పడిదల జగ్గారావు ,తదితరులు పాల్గొన్నారు.
మీ పవన్ కళ్యాణ్ మన భారత్ జిల్లా ఆర్సీ ఇన్చార్జి
జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.
