రంగాపురంలో పోలీసుల కార్డెన్ సెర్చ్

సీసీ కెమెరాలతో నేరాల నియంత్రణకు సహకరించాలి: చిట్యాల సీఐ వై. సతీష్

మొగుళ్లపల్లి, సెప్టెంబర్ 30 (మన భారత్): అనుమానితుల కదలికలను గుర్తించడంతో పాటు నేరాల నియంత్రణకు ప్రజలు పోలీసులకు సహకరించాలని చిట్యాల సీఐ వై. సతీష్ సూచించారు. జయశంకర్ భూపాలపల్లి జిల్లా మొగుళ్లపల్లి మండలం రంగాపురం గ్రామంలో బుధవారం సీఐ వై. సతీష్, ఎస్‌ఐ ముప్పు సురేష్ ఆధ్వర్యంలో పోలీసులు కార్డెన్ సెర్చ్ నిర్వహించారు.

కార్డెన్ సెర్చ్‌లో భాగంగా గ్రామంలోని పలు ప్రాంతాల్లో పోలీసులు తనిఖీలు చేపట్టారు. అనుమానాస్పదంగా కనిపించిన వ్యక్తులు, వాహనాల వివరాలను పరిశీలించారు. సరైన ధ్రువపత్రాలు లేని వాహనాలను పోలీసులు స్వాధీనం చేసుకున్నారు. వాహనదారులు తప్పనిసరిగా వాహనాలకు సంబంధించిన పత్రాలను తమ వెంట ఉంచుకోవాలని సూచించారు.

ఈ సందర్భంగా సీఐ వై. సతీష్ మాట్లాడుతూ.. కాలనీలు, గ్రామాల్లో ఇంటి ముందు సీసీ కెమెరాలు ఏర్పాటు చేసుకోవడం ద్వారా నేరాల నియంత్రణకు ఎంతో ఉపయోగకరంగా ఉంటుందని తెలిపారు. సీసీ కెమెరాల ద్వారా కాలనీలోకి ఎవరు వస్తున్నారు, ఎవరు బయటకు వెళ్తున్నారు అనే విషయాలను గుర్తించే అవకాశం ఉంటుందని చెప్పారు. అనుమానిత వ్యక్తులు లేదా అనుమానాస్పద కదలికలు కనిపిస్తే ప్రజలు వెంటనే పోలీసులకు సమాచారం అందించాలని సూచించారు.

ప్రజల భద్రత కోసం పోలీసులు నిరంతరం అప్రమత్తంగా ఉంటారని సీఐ తెలిపారు. నేరాల నియంత్రణలో ప్రజల భాగస్వామ్యం కూడా ముఖ్యమని పేర్కొన్నారు. గ్రామాల్లో ఎలాంటి అనుమానాస్పద కార్యకలాపాలు కనిపించినా పోలీసులకు సమాచారం అందించడం ద్వారా నేరాలను ముందుగానే అరికట్టేందుకు అవకాశం ఉంటుందని చెప్పారు.

కార్డెన్ సెర్చ్ సందర్భంగా పోలీసులు సైబర్ నేరాలపై కూడా ప్రజలకు అవగాహన కల్పించారు. సైబర్ మోసాలకు గురికాకుండా అప్రమత్తంగా ఉండాలని, గుర్తుతెలియని వ్యక్తులకు బ్యాంకు ఖాతా వివరాలు, ఓటీపీ, ఏటీఎం వివరాలు, పాస్‌వర్డ్‌లు వంటి వ్యక్తిగత సమాచారాన్ని వెల్లడించవద్దని సూచించారు. అనుమానాస్పద లింకులు, సందేశాల విషయంలో జాగ్రత్తగా వ్యవహరించాలని తెలిపారు.

అలాగే గంజాయి, ఇతర మాదకద్రవ్యాల వినియోగం వల్ల కలిగే నష్టాలపై ప్రజలకు అవగాహన కల్పించారు. కొత్తగా అమల్లోకి వచ్చిన చట్టాల గురించి వివరించడంతో పాటు మూఢనమ్మకాల వల్ల కలిగే దుష్పరిణామాలను కూడా ప్రజలకు వివరించారు. యువత మాదకద్రవ్యాలకు దూరంగా ఉండాలని, అనుమానాస్పద కార్యకలాపాలపై పోలీసులకు సమాచారం అందించాలని కోరారు.

కార్డెన్ సెర్చ్ సందర్భంగా పోలీసులు నిర్వహించిన తనిఖీలకు గ్రామ ప్రజలు సహకరించారు. కార్యక్రమంలో మొగుళ్లపల్లి ఎస్‌ఐ ముప్పు సురేష్, టేకుమట్ల ఎస్‌ఐ అమూల్య, పోలీసు సిబ్బంది, గ్రామ ప్రజలు పాల్గొన్నారు.

మీ పవన్ కళ్యాణ్ మన భారత్ జిల్లా ఆర్సీ ఇన్‌చార్జి 

జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.