గల్ఫ్ యుద్ధం.. పెరిగిన ధరలు

మన భారత్ ,తెలంగాణ :

అంతర్జాతీయ పరిణామాల ప్రభావం భారత మార్కెట్లపై స్పష్టంగా కనిపిస్తోంది. గల్ఫ్ ప్రాంతంలో కొనసాగుతున్న యుద్ధ పరిస్థితులు దేశీయ ఆర్థిక వ్యవస్థపై ప్రభావం చూపుతూ, ముఖ్యంగా వంట నూనెల ధరలను భారీగా పెంచుతున్నాయి. గత కొన్ని నెలలతో పోలిస్తే ప్రస్తుతం మార్కెట్లో నూనెల ధరలు గణనీయంగా పెరిగాయి.

కొద్ది కాలం క్రితం లీటర్‌కు సుమారు రూ.150 వద్ద లభించిన సన్‌ఫ్లవర్ ఆయిల్ ధర ఇప్పుడు రూ.190 నుండి రూ.202 వరకు చేరుకుంది. అలాగే వేరుశనగ నూనె ధర లీటర్‌కు రూ.220 వరకు పెరగగా, పామాయిల్ రూ.150, ఆవ నూనె రూ.190 వరకు పెరిగినట్లు వ్యాపార వర్గాలు చెబుతున్నాయి.

ఈ ధరల పెరుగుదలకు అంతర్జాతీయ మార్కెట్లో ముడి నూనెల కొరతతో పాటు గల్ఫ్ యుద్ధ ప్రభావం ప్రధాన కారణమని నిపుణులు పేర్కొంటున్నారు. అదనంగా రూపాయి విలువ పడిపోవడం వల్ల దిగుమతుల ఖర్చు పెరగడం కూడా ధరల పెరుగుదలకు దోహదపడుతోంది.

వంట నూనెల ధరల పెరుగుదల సామాన్య ప్రజలపై ఆర్థిక భారాన్ని పెంచుతోంది. గృహ వినియోగదారులు మాత్రమే కాకుండా హోటల్, రెస్టారెంట్ రంగాలపై కూడా ఈ ప్రభావం తీవ్రంగా పడుతోంది. రాబోయే రోజుల్లో పరిస్థితులు మరింత కఠినంగా మారే అవకాశముందని మార్కెట్ విశ్లేషకులు హెచ్చరిస్తున్నారు.

ప్రభుత్వం ధరల నియంత్రణకు చర్యలు తీసుకోవాల్సిన అవసరం ఉందని వినియోగదారులు కోరుతున్నారు.

రాజకీయ నాయకులకు శుభవార్త..!

https://manabharath.com/7179/

మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి.