మన భారత్, తలమడుగు:
తలమడుగు గ్రామ ప్రజలకు ఉగాది పర్వదినం సందర్భంగా గ్రామ సర్పంచ్ ఎలుగు రాజన్న చంటి హృదయపూర్వక శుభాకాంక్షలు తెలిపారు. ఈ సందర్భంగా ఆయన మాట్లాడుతూ, గ్రామ ప్రజలందరూ తనపై నమ్మకం ఉంచి సర్పంచ్గా గెలిపించినందుకు కృతజ్ఞతలు తెలిపారు.
గ్రామ ప్రజల మద్దతుతోనే ఈ బాధ్యత తనకు దక్కిందని, అందుకు ప్రతిఫలంగా ప్రతి ఇంటిలో ఒక కుటుంబ సభ్యుడిగా ఉండి సేవలు అందిస్తానని ఆయన హామీ ఇచ్చారు. గ్రామపంచాయతీకి వచ్చే నిధులను సమర్థంగా వినియోగించి, గ్రామ అభివృద్ధికి కృషి చేస్తానని స్పష్టం చేశారు.
ప్రజల అవసరాలను గుర్తించి మౌలిక వసతులు మెరుగుపరచడం, శుభ్రత, రహదారులు, తాగునీరు వంటి అంశాలపై ప్రత్యేక దృష్టి సారిస్తానని తెలిపారు. గ్రామాన్ని ఆదర్శవంతంగా తీర్చిదిద్దేందుకు ప్రజల సహకారం అవసరమని ఆయన పిలుపునిచ్చారు.
ఈ సందర్భంగా మరోసారి గ్రామ ప్రజలందరికీ, వారి కుటుంబ సభ్యులకు ఉగాది శుభాకాంక్షలు తెలియజేస్తూ సుఖసంతోషాలతో నిండిన కొత్త సంవత్సరాన్ని అందరూ ఆహ్వానించాలని కోరారు.
