విజయ్‌, రష్మిక జంటకు ప్రధాని మోదీ శుభాకాంక్షలు

ఉదయ్‌పూర్‌లో వేడుకల సందడి మధ్య ప్రత్యేక లేఖతో అభినందనలు

మన భారత్ ,ఎంటర్టైన్‌మెంట్ న్యూస్:

టాలీవుడ్ ప్రముఖ నటుడు Vijay Deverakonda, స్టార్ హీరోయిన్ Rashmika Mandanna వివాహం గురువారం రాజస్థాన్‌లోని Udaipurలో జరగనున్న నేపథ్యంలో వేడుకలు ఘనంగా కొనసాగుతున్నాయి. ఇప్పటికే వధూవరులు, వారి కుటుంబ సభ్యులు, సన్నిహితులు కల్యాణ వేదికకు చేరుకోగా సినీ, రాజకీయ ప్రముఖులు ఒక్కొక్కరుగా అక్కడికి చేరుకుంటున్నారు.

హల్దీ, సంగీత్ వేడుకలతో సందడి

వివాహానికి ముందు జరిగే హల్దీ, సంగీత్ కార్యక్రమాలు ఆనందోత్సాహాల మధ్య సాగుతున్నాయి. సంప్రదాయ మరియు ఆధునిక శైలిలో నిర్వహిస్తున్న ఈ వేడుకలు సోషల్ మీడియాలో ప్రత్యేక ఆకర్షణగా నిలుస్తున్నాయి.

 ప్రధాని మోదీ ప్రత్యేక శుభాకాంక్షలు

ఈ సందర్భంగా భారత ప్రధాని Narendra Modi నూతన వధూవరులకు ప్రత్యేక లేఖ ద్వారా శుభాకాంక్షలు తెలియజేశారు. మీరు పంపిన వివాహ ఆహ్వానం అందిందని పేర్కొంటూ, దేవరకొండ మరియు మందన్న కుటుంబాలకు అభినందనలు తెలిపారు.

లేఖలో ఆయన పేర్కొన్నట్లు—ఇన్నాళ్లు తెరపై అలరించిన ఈ జంట, ఇప్పుడు జీవితంలో కొత్త అధ్యాయాన్ని ప్రారంభిస్తున్నారని, పరస్పర ప్రేమ, గౌరవం, అవగాహనతో బాధ్యతలను పంచుకుంటూ కలకాలం కలిసి జీవించాలని ఆకాంక్షించారు. ఒకరినొకరు అర్థం చేసుకుంటూ, బలాలను గుర్తించి భాగస్వాములుగా జీవిత ప్రయాణం కొనసాగించాలని ఆశీర్వదించారు.

సోషల్ మీడియాలో వైరల్

ప్రధాని పంపిన శుభాకాంక్షల లేఖ ప్రస్తుతం సోషల్ మీడియాలో వైరల్ అవుతోంది. అభిమానులు, సినీ ప్రముఖులు ఈ జంటకు శుభాకాంక్షలు తెలియజేస్తున్నారు. టాలీవుడ్‌లో ఈ వివాహం ప్రత్యేక ఆకర్షణగా మారింది.