e-paper
హోం ఆరోగ్యం క్రైం సినిమా క్రీడలు బిజినెస్
✖ Close Home Privacy Policy Disclaimer About Us Terms & Conditions
Sunday, November 22, 2026

తుపాను బాధిత ప్రాంతాల్లో పర్యటించిన ముఖ్యమంత్రి..

 క్షేత్రస్థాయిలో సహాయక చర్యల పరిశీలన

రైతులు, నిరాశ్రయ కుటుంబాలతో నేరుగా మాట్లాడి సమస్యలు తెలుసుకున్న సీఎం – బాధితులకు అండగా ఉంటామని భరోసా

కోనసీమ, అక్టోబర్ 30:

సైక్లోన్ అర్నబ్ ప్రభావంతో నష్టపోయిన ప్రాంతాల్లో సహాయక చర్యలను వేగవంతం చేయడంతో పాటు బాధితులకు ప్రభుత్వం అండగా ఉంటుందని ముఖ్యమంత్రి స్పష్టం చేశారు. తుపాను ప్రభావిత ప్రాంతాల్లో క్షేత్రస్థాయిలో పర్యటించిన ఆయన, ప్రజలకు అందుతున్న సహాయక చర్యలను స్వయంగా పరిశీలించారు. ఈ సందర్భంగా రైతులు, నిరాశ్రయ కుటుంబాలు, నష్టపోయిన ప్రజలతో నేరుగా మాట్లాడి వారి సమస్యలు, అవసరాలను తెలుసుకున్నారు.

కోనసీమ జిల్లా ముమ్మిడివరం నియోజకవర్గ పరిధిలోని చెయ్యేరు, వెట్లపాలెం, గచ్ఛకాయలపోర గ్రామాల్లో ముఖ్యమంత్రి పర్యటించారు. తుపాను కారణంగా నీట మునిగిన వ్యవసాయ భూములను పరిశీలించారు. పొలాల్లోకి భారీగా చేరిన వరద నీటితో పంటలకు జరిగిన నష్టాన్ని రైతులను అడిగి తెలుసుకున్నారు. ముఖ్యంగా కొబ్బరి తోటల్లో చెట్లు దెబ్బతినడం, వ్యవసాయానికి జరిగిన నష్టంపై రైతులతో చర్చించారు. ప్రకృతి వైపరీత్యం కారణంగా ఎదురైన ఇబ్బందులను రైతులు ముఖ్యమంత్రి దృష్టికి తీసుకువచ్చారు.

అనంతరం తుపాను బాధితుల కోసం ఏర్పాటు చేసిన పునరావాస కేంద్రాన్ని సందర్శించారు. అక్కడ ఆశ్రయం పొందుతున్న కుటుంబాలతో మాట్లాడి వారికి అందుతున్న ఆహారం, తాగునీరు, వైద్య సదుపాయాలు, ఇతర నిత్యావసర వస్తువుల సరఫరా గురించి వివరాలు అడిగి తెలుసుకున్నారు. బాధితులు ఎదుర్కొంటున్న ఇబ్బందులను స్వయంగా తెలుసుకోవడంతో పాటు తక్షణమే పరిష్కరించాల్సిన అవసరాలపై దృష్టి సారించారు.

తుపాను కారణంగా ప్రజలు ఎన్నో కష్టనష్టాలను ఎదుర్కొంటున్నప్పటికీ, వారు చూపిస్తున్న ధైర్యం, పట్టుదల, సానుకూల దృక్పథం అభినందనీయమని ముఖ్యమంత్రి పేర్కొన్నారు. క్లిష్ట పరిస్థితుల్లోనూ ప్రజలు ప్రభుత్వంపై ఉంచుతున్న నమ్మకం తమకు మరింత బాధ్యతను గుర్తు చేస్తోందని అన్నారు. ప్రజలు తమపై ఉంచిన విశ్వాసాన్ని నిలబెట్టుకుంటామని, బాధిత కుటుంబాలకు అండగా నిలిచి సాధారణ పరిస్థితులు నెలకొనే వరకు నిరంతరం కృషి చేస్తామని భరోసా ఇచ్చారు.

తుపాను ప్రభావిత ప్రాంతాల్లో ప్రజలకు ఎలాంటి ఇబ్బందులు కలగకుండా రాష్ట్ర యంత్రాంగం సమన్వయంతో పనిచేస్తోందని తెలిపారు. ప్రభుత్వంలోని అన్ని శాఖల అధికారులు సహాయక, పునరావాస కార్యక్రమాల్లో చురుగ్గా పాల్గొంటున్నారని పేర్కొన్నారు. నష్టపోయిన రైతులు, ఇళ్లు దెబ్బతిన్న కుటుంబాలు, జీవనోపాధి కోల్పోయిన ప్రజల అవసరాలను గుర్తించి తగిన చర్యలు తీసుకోవాల్సిన అవసరం ఉందని ఈ పర్యటన ద్వారా స్పష్టం చేశారు.

ప్రజలు ఎదుర్కొంటున్న సమస్యలను కేవలం అధికారిక నివేదికలకే పరిమితం చేయకుండా క్షేత్రస్థాయిలో పరిశీలించి పరిష్కరించడమే ప్రభుత్వ లక్ష్యమని ముఖ్యమంత్రి పేర్కొన్నారు. తుపాను ప్రభావిత గ్రామాల్లో రహదారులు, వ్యవసాయ భూములు, నివాస ప్రాంతాల్లో పరిస్థితులను ఎప్పటికప్పుడు పర్యవేక్షిస్తూ సహాయక చర్యలను కొనసాగిస్తామని తెలిపారు.

తుపాను కారణంగా దెబ్బతిన్న ప్రాంతాల్లో ప్రజా జీవనం తిరిగి సాధారణ స్థితికి చేరుకునే వరకు ప్రభుత్వం విశ్రాంతి తీసుకోదని ముఖ్యమంత్రి భరోసా ఇచ్చారు. బాధితుల పునరావాసం, రైతులకు సహాయం, మౌలిక సదుపాయాల పునరుద్ధరణకు ప్రాధాన్యతనిస్తూ సమగ్ర చర్యలు చేపడతామని స్పష్టం చేశారు. కష్టకాలంలో ప్రభుత్వం ప్రజలకు అండగా ఉంటుందని ఆయన పునరుద్ఘాటించారు.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Bottom Navigation + Breaking Ticker
Breaking News LIVE