మన భారత్, తలమడుగు:
డాక్టర్ బి.ఆర్. అంబేద్కర్ జయంతి సందర్భంగా ఆదిలాబాద్ జిల్లా తలమడుగు మండల కేంద్రంలోని సుంకిడి గ్రామంలో సేవా కార్యక్రమాలు ఘనంగా నిర్వహించారు. ఈ సందర్భంగా గ్రామ సర్పంచ్ ఆధ్వర్యంలో స్థానిక యువత, గ్రామస్తులు కలిసి అన్నదానం కార్యక్రమాన్ని చేపట్టారు.
అంతర్రాష్ట్ర రహదారిపై ప్రయాణిస్తున్న వాహనదారులు, ప్రయాణికులకు అన్నదానం చేసి నీటి బాటిళ్లను పంపిణీ చేయడం విశేషంగా నిలిచింది. వేడికాలాన్ని దృష్టిలో ఉంచుకుని దాహార్తి నివారణకు ఈ సేవ కార్యక్రమం ఎంతో ఉపయోగకరంగా మారింది.
ఈ సందర్భంగా నిర్వాహకులు మాట్లాడుతూ, అంబేద్కర్ ఆశయాలను ఆచరణలో పెట్టడం అంటే సమాజానికి సేవ చేయడమేనని పేర్కొన్నారు. సమానత్వం, సేవాభావం అనే విలువలను అందరికీ చేరవేసేందుకు ఇలాంటి కార్యక్రమాలు చేపట్టడం ఆనందంగా ఉందన్నారు.
ఈ కార్యక్రమంలో సుంకిడి గ్రామస్తులు, అంబేద్కర్ యువజన సంఘ సభ్యులు, గ్రామ సర్పంచ్ మగ్గిడి నర్సమ్మ ప్రకాష్, యువత పెద్ద సంఖ్యలో పాల్గొన్నారు. సేవా కార్యక్రమం పట్ల ప్రయాణికులు కృతజ్ఞతలు తెలిపారు.
రాజకీయ నాయకులకు శుభవార్త..!
మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి..
