మన భారత్, ఆదిలాబాద్:
ఆదిలాబాద్ మున్సిపల్ ఎన్నికల ఫలితాల్లో 36వ వార్డును బీజేపీ కైవసం చేసుకుంది. ఆ పార్టీ అభ్యర్థి పవర్ సూచికకు మొత్తం 924 ఓట్లు లభించగా, సమీప కాంగ్రెస్ అభ్యర్థిపై 419 ఓట్ల భారీ మెజారిటీతో విజయం సాధించినట్లు ఎన్నికల అధికారులు ప్రకటించారు.
36వ వార్డులో ఈ ఫలితం బీజేపీకి మరింత బలాన్ని చాటిచెప్పింది. భారీ మెజార్టీతో గెలుపొందడం స్థానిక రాజకీయాల్లో విశేషంగా మారింది. ఫలితాలు వెలువడగానే పార్టీ నాయకులు, కార్యకర్తలు సంబరాల్లో మునిగిపోయారు.
ప్రజలు తనపై ఉంచిన విశ్వాసానికి కృతజ్ఞతలు తెలుపుతూ వార్డు అభివృద్ధి కోసం అంకితభావంతో పనిచేస్తానని పవర్ సూచిక తెలిపారు. ముఖ్యంగా తాగునీటి సదుపాయాలు, పారిశుధ్యం, రహదారుల మెరుగుదల, వీధి దీపాల ఏర్పాటు వంటి అంశాలపై ప్రాధాన్యత ఇస్తానని హామీ ఇచ్చారు.
ప్రశాంత వాతావరణంలో ఎన్నికల లెక్కింపు పూర్తవడంతో అధికారులు సంతృప్తి వ్యక్తం చేశారు. 36వ వార్డు ఫలితం ఆదిలాబాద్ మున్సిపల్ రాజకీయాల్లో ప్రాధాన్యతను సంతరించుకుంది.
