మహేశ్ బాబు ‘వారణాసి’ నుంచి వరుస సర్ప్రైజులు – టైటిల్, ఫస్ట్ లుక్, గ్లింప్స్ అదిర్చే విజువల్ ట్రీట్
మన భారత్, వారణాసి: భారత సినీప్రియులు ఆసక్తిగా ఎదురుచూస్తున్న రాజమౌళి – మహేశ్ బాబు కాంబినేషన్ చిత్రం ‘వారణాసి’నుంచి ఒకేసారి పలు భారీ అప్డేట్లు బయటకు వచ్చాయి. Globe Trotter ఈవెంట్లో ఈ చిత్రానికి సంబంధించిన కీలక అంశాలను చిత్రబృందం అధికారికంగా విడుదల చేసింది.
ఈ సందర్భంగా మూవీ టైటిల్ ‘వారణాసి’, మహేశ్ బాబు ఫస్ట్ లుక్, అలాగే 3 నిమిషాలు 40 సెకన్ల గ్లింప్స్ వీడియోను ఆవిష్కరించగా, సోషల్ మీడియాలో ప్రేక్షకుల నుంచి విపరీతమైన స్పందన వచ్చింది.
సంగీత దర్శకుడు ఎం.ఎం. కీరవాణి, ఈ చిత్రాన్ని 2027 సమ్మర్లో విడుదల చేయాలని నిర్ణయించామని ప్రకటించారు. విజువల్ ఎఫెక్ట్స్, యాక్షన్ సీక్వెన్స్లు, సెట్ నిర్మాణం వంటి అంశాలపై విస్తృతంగా పని జరుగుతోందని తెలిపారు.
దర్శకుడు ఎస్.ఎస్. రాజమౌళి మాట్లాడుతూ, ఈ సినిమాలో రామాయణంలోని ఒక ప్రధాన ఘట్టాన్ని ఆధారంగా తీసుకున్నామని, అందుకే మహేశ్ బాబును రాముడి పాత్రలో డిజైన్ చేశామని వెల్లడించారు. మహేశ్ లుక్పై ప్రేక్షకుల్లో భారీ ఎక్స్పెక్టేషన్స్ నెలకొన్నాయి.
ఒకేసారి ఇన్ని అప్డేట్లు రావడంతో నెటిజన్లు “రాజమౌళి స్టైల్లో మెగా సర్ప్రైజ్ ప్యాకేజ్”, “హాలీవుడ్ రేంజ్ విజువల్స్” అంటూ కామెంట్లు చేస్తున్నారు.
