చిట్యాలలో ఘనంగా పెరియార్ జయంతి వేడుకలు

 సామాజిక సమానత్వం కోసం ఆయన చేసిన కృషి స్ఫూర్తిదాయకం

చిట్యాల, సెప్టెంబర్ 17 (మన భారత్): చిట్యాల మండల కేంద్రంలో అంబేద్కర్ యువజన సంఘం ఆధ్వర్యంలో సామాజిక సంస్కర్త పెరియార్ ఈ.వీ. రామస్వామి నాయకర్ జయంతి వేడుకలను ఘనంగా నిర్వహించారు. అంబేద్కర్ యువజన సంఘం మండల ప్రచార కార్యదర్శి కట్కూరి రాజు అధ్యక్షతన జరిగిన కార్యక్రమంలో ఏవైఎస్ రాష్ట్ర ప్రచార కార్యదర్శి, అంబేద్కర్ ఫెలోషిప్ నేషనల్ అవార్డు గ్రహీత పుల్ల మల్లయ్య పెరియార్ చిత్రపటానికి పూలమాల వేసి నివాళులర్పించారు.

ఈ సందర్భంగా పుల్ల మల్లయ్య మాట్లాడుతూ పెరియార్ రామస్వామి నాయకర్ సామాజిక అసమానతలు, కుల వివక్ష, మూఢనమ్మకాలు, అంటరానితనం వంటి అంశాలపై ప్రజల్లో చైతన్యం తీసుకురావడానికి కృషి చేశారని తెలిపారు. సమాజంలోని అణగారిన వర్గాలకు సమాన హక్కులు, గౌరవం లభించాలనే లక్ష్యంతో ఆయన అనేక ఉద్యమాలు చేపట్టారని పేర్కొన్నారు.

పెరియార్ సామాజిక సంస్కరణలను తన ప్రజా జీవితంలో ప్రధాన అంశంగా తీసుకుని కుల వ్యవస్థపై విమర్శనాత్మకంగా మాట్లాడారని తెలిపారు. సామాజిక సమానత్వం, హేతువాద ఆలోచన, మహిళల హక్కులు, విద్య, స్వాభిమాన భావన వంటి అంశాలపై ఆయన చేసిన ప్రచారం దక్షిణ భారత సామాజిక ఉద్యమాలపై ప్రభావం చూపిందని వివరించారు.

సమాజంలో వివక్షకు తావులేని వాతావరణం ఏర్పడేందుకు నేటి తరం కృషి చేయాలని, రాజ్యాంగం కల్పించిన సమానత్వం, స్వేచ్ఛ, గౌరవం వంటి విలువలను ప్రజల్లోకి తీసుకెళ్లాలని పిలుపునిచ్చారు. పెరియార్ ఆశయాలను అధ్యయనం చేసి సామాజిక చైతన్య కార్యక్రమాలను కొనసాగించాల్సిన అవసరం ఉందన్నారు.

కార్యక్రమంలో అంబేద్కర్ యువజన సంఘం మండల నాయకులు గురుకుంట్ల కిరణ్, గడ్డం సదానందం, కాంగ్రెస్ పార్టీ మండల ప్రధాన కార్యదర్శి గడ్డం కొమురయ్య, నాయకులు కోర్రి సాంబశివుడు, మట్టికే శివాజీ తదితరులు పాల్గొన్నారు.

మీ శీలపాక రాజు, మన భారత్, జర్నలిస్టు చిట్యాల ..

జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.