గిరిజన రైతులకు సాగునీటి సౌకర్యం కల్పించాం: బోథ్ ఎమ్మెల్యే అనిల్ జాదవ్
మన భారత్, బోథ్: రైతుల కుటుంబాల్లో ఆనందం నింపిన గొప్ప నాయకుడు మాజీ ముఖ్యమంత్రి, బీఆర్ఎస్ అధినేత కేసీఆర్ అని బోథ్ ఎమ్మెల్యే అనిల్ జాదవ్ అన్నారు. హైదరాబాద్లోని తెలంగాణ భవన్లో శనివారం నిర్వహించిన మాక్ అసెంబ్లీ సమావేశంలో ఆయన పాల్గొని మాట్లాడారు.
ఈ సందర్భంగా ఎమ్మెల్యే అనిల్ జాదవ్ మాట్లాడుతూ.. బీఆర్ఎస్ ప్రభుత్వ హయాంలో రైతుల సంక్షేమానికి ప్రాధాన్యం ఇచ్చామని పేర్కొన్నారు. వ్యవసాయ రంగాన్ని బలోపేతం చేయడంతో పాటు రైతులకు అండగా నిలిచే పలు కార్యక్రమాలను చేపట్టిన ఘనత కేసీఆర్ ప్రభుత్వానికే దక్కుతుందని అన్నారు. రైతుల కుటుంబాల్లో ఆత్మవిశ్వాసం, ఆనందం నింపేందుకు అప్పటి ప్రభుత్వం అనేక చర్యలు తీసుకుందని తెలిపారు.
ప్రస్తుత కాంగ్రెస్ ప్రభుత్వం గిరిజన రైతుల సమస్యల పరిష్కారంలో నిర్లక్ష్యంగా వ్యవహరిస్తోందని అనిల్ జాదవ్ ఆరోపించారు. గిరిజన రైతులకు సంబంధించిన పోడు భూముల పట్టాల విషయంలో ప్రభుత్వం స్పష్టమైన చర్యలు తీసుకోవాల్సిన అవసరం ఉందన్నారు. పట్టాల కోసం ఎదురుచూస్తున్న గిరిజన రైతులకు ఇబ్బందులు లేకుండా సమస్యను పరిష్కరించాలని డిమాండ్ చేశారు.
బీఆర్ఎస్ ప్రభుత్వ హయాంలో గిరిజన ప్రాంతాల అభివృద్ధిపై ప్రత్యేక దృష్టి పెట్టామని ఎమ్మెల్యే తెలిపారు. ముఖ్యంగా గిరి వికాస్ పథకం ద్వారా గిరిజన రైతులకు సాగునీటి సౌకర్యం కల్పించేందుకు చర్యలు చేపట్టినట్లు పేర్కొన్నారు. సాగునీటి వసతులు అందుబాటులోకి రావడంతో గిరిజన ప్రాంతాల్లో వ్యవసాయానికి ఊతం లభించిందని అన్నారు.
గిరిజన రైతుల భూములకు సాగునీటి సదుపాయాలు కల్పించడంతో పాటు వారి ఆర్థిక పరిస్థితిని మెరుగుపరిచేందుకు బీఆర్ఎస్ ప్రభుత్వం కృషి చేసిందని అనిల్ జాదవ్ పేర్కొన్నారు. ప్రస్తుతం రైతులు, గిరిజనులు ఎదుర్కొంటున్న సమస్యలను ప్రభుత్వం వెంటనే పరిష్కరించాలని ఆయన డిమాండ్ చేశారు.
రైతులు, గిరిజనుల సంక్షేమం కోసం బీఆర్ఎస్ తన పోరాటాన్ని కొనసాగిస్తుందని ఎమ్మెల్యే అనిల్ జాదవ్ స్పష్టం చేశారు. మాక్ అసెంబ్లీ వేదికగా ప్రజా సమస్యలను ప్రస్తావిస్తూ ప్రభుత్వంపై ఒత్తిడి తీసుకువస్తామని ఆయన తెలిపారు.
మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి
ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.
