గ్రేట్ లీడర్ కేసీఆర్ సారే : ఎమ్మెల్యే అనిల్ జాధవ్

అడక్కుండానే ఆలోచించి పథకాలు అమలు చేసిన గొప్ప నాయకుడు కేసీఆర్: ఎమ్మెల్యే అనిల్ జాదవ్

ఇచ్చోడలో 41 మంది లబ్ధిదారులకు కళ్యాణ లక్ష్మీ–షాదీ ముబారక్ చెక్కుల పంపిణీ

ఇచ్చోడ, మన భారత్ ఆగస్టు 11: పేద, మధ్యతరగతి కుటుంబాల్లో ఆడబిడ్డల వివాహాలకు ఆర్థిక భరోసా కల్పించాలనే ఉద్దేశంతో కళ్యాణ లక్ష్మీ–షాదీ ముబారక్ పథకాలను ప్రవేశపెట్టిన మాజీ ముఖ్యమంత్రి, బీఆర్ఎస్ అధినేత కేసీఆర్ పేదల సంక్షేమం కోసం దూరదృష్టితో పనిచేసిన నాయకుడని బోథ్ ఎమ్మెల్యే అనిల్ జాదవ్ అన్నారు.

ఇచ్చోడ మండల కేంద్రంలోని తహసీల్దార్ కార్యాలయంలో కళ్యాణ లక్ష్మీ–షాదీ ముబారక్ పథకం కింద లబ్ధిదారులకు చెక్కుల పంపిణీ కార్యక్రమం నిర్వహించారు. ఈ కార్యక్రమానికి ముఖ్య అతిథిగా హాజరైన ఎమ్మెల్యే అనిల్ జాదవ్ ఇచ్చోడ మండలానికి చెందిన 41 మంది లబ్ధిదారులకు చెక్కులను అందజేశారు.

ఆడబిడ్డల తల్లిదండ్రులకు ఆర్థిక భరోసా

ఈ సందర్భంగా ఎమ్మెల్యే అనిల్ జాదవ్ మాట్లాడుతూ.. పేద కుటుంబాల్లో ఆడపిల్ల వివాహం తల్లిదండ్రులకు ఆర్థిక భారంగా మారకూడదనే లక్ష్యంతో కేసీఆర్ ప్రభుత్వం కళ్యాణ లక్ష్మీ, షాదీ ముబారక్ పథకాలను అమలు చేసిందన్నారు. పేదల అవసరాలను ముందుగానే గుర్తించి, వారు అడగకముందే సంక్షేమ పథకాలను రూపొందించి అమలు చేసిన ఘనత కేసీఆర్‌కు దక్కుతుందని పేర్కొన్నారు.

వివాహ సమయంలో ప్రభుత్వం అందించే ఆర్థిక సహాయం పేద కుటుంబాలకు ఎంతో ఉపయోగకరంగా ఉంటుందని ఎమ్మెల్యే తెలిపారు. ఆడబిడ్డల తల్లిదండ్రులకు ప్రభుత్వం అండగా నిలవాలనే ఉద్దేశంతో ఈ పథకాలను అమలు చేశారని అన్నారు.

పేదల సంక్షేమమే బీఆర్ఎస్ లక్ష్యం

కేసీఆర్ హయాంలో అమలు చేసిన వివిధ సంక్షేమ కార్యక్రమాలు పేద, బడుగు, బలహీన వర్గాల కుటుంబాలకు ఆర్థికంగా అండగా నిలిచాయని అనిల్ జాదవ్ అన్నారు. ప్రజల అవసరాలను గుర్తించి సంక్షేమ పథకాలను రూపొందించడం ద్వారా పేదల జీవితాల్లో మార్పు తీసుకురావడానికి కేసీఆర్ ప్రభుత్వం కృషి చేసిందని తెలిపారు.

పేదల సంక్షేమం, సామాజిక న్యాయం కోసం బీఆర్ఎస్ పార్టీ నిరంతరం పోరాడుతుందని ఎమ్మెల్యే అనిల్ జాదవ్ స్పష్టం చేశారు. ప్రభుత్వ పథకాలను అర్హులైన ప్రతి లబ్ధిదారుడు సద్వినియోగం చేసుకోవాలని సూచించారు.

ఈ కార్యక్రమంలో తహసీల్దార్, ఎంపీడీవో, సంబంధిత శాఖల అధికారులు, ప్రజాప్రతినిధులు, బీఆర్ఎస్ నాయకులు, కార్యకర్తలు, లబ్ధిదారులు తదితరులు పాల్గొన్నారు.

మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి

ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.