జిల్లా కలెక్టర్ కు పిర్యాదు చేస్తాం: సర్పంచ్

తాంసి KGBVలో అటెండర్ నియామకంపై సర్పంచ్ అసహనం

స్థానికేతరురాలిని ఎలా నియమిస్తారంటూ ప్రశ్న.. కలెక్టర్‌కు ఫిర్యాదు చేస్తామని హెచ్చరిక

మన భారత్, తాంసి:జూలై 29 తాంసి మండల కేంద్రంలోని కస్తూర్బా గాంధీ బాలికల విద్యాలయం (KGBV)లో ఇటీవల చేపట్టిన మహిళా అటెండర్ నియామకంపై తాంసి సర్పంచ్ సంతోష్ రెడ్డి అసహనం వ్యక్తం చేశారు. ఈ వ్యవహారంపై సర్పంచ్ సంతోష్ రెడ్డికి, మండల విద్యాశాఖ అధికారి (MEO) శ్రీకాంత్‌కు మధ్య స్వల్ప వాగ్వాదం చోటుచేసుకున్నట్లు తెలిసింది.

తాంసి మండలంలో నిర్వహించిన సర్వసభ్య సమావేశంలో KGBV అటెండర్ నియామక అంశం చర్చకు వచ్చింది. ఈ సందర్భంగా ఇటీవల నియమించిన మహిళా అటెండర్ స్థానికురాలు కాదని సర్పంచ్ సంతోష్ రెడ్డి ఆరోపించారు. స్థానికులకు అవకాశాలు కల్పించాల్సిన అవసరం ఉందని ఆయన అభిప్రాయం వ్యక్తం చేసినట్లు సమాచారం.

సర్వసభ్య సమావేశంలో అసహనం

అటెండర్ నియామకంపై సర్పంచ్ అధికారుల తీరుపై అసహనం వ్యక్తం చేశారు. నియామక ప్రక్రియకు సంబంధించిన వివరాలను స్పష్టంగా వెల్లడించాలని కోరినట్లు తెలిసింది. ఈ అంశంపై జిల్లా కలెక్టర్‌కు ఫిర్యాదు చేస్తామని సర్పంచ్ హెచ్చరించినట్లు సమాచారం.

కలెక్టర్ నిబంధనల ప్రకారమే నియామకం: MEO

అయితే అటెండర్ నియామకంపై మండల విద్యాశాఖ అధికారి శ్రీకాంత్ వివరణ ఇస్తూ, జిల్లా కలెక్టర్ నిబంధనల ప్రకారమే నియామక ప్రక్రియ చేపట్టినట్లు స్పష్టం చేశారు. నిబంధనలు, మార్గదర్శకాలకు అనుగుణంగానే నియామకం జరిగిందని పేర్కొన్నారు.

అటెండర్ నియామకంపై సర్పంచ్ అభ్యంతరాలు వ్యక్తం చేయడం, MEO నిబంధనల ప్రకారమే నియామకం జరిగిందని స్పష్టం చేయడంతో సర్వసభ్య సమావేశంలో కొంతసేపు వాగ్వాద వాతావరణం నెలకొన్నట్లు తెలిసింది.

ఈ వ్యవహారంపై సర్పంచ్ కలెక్టర్‌కు ఫిర్యాదు చేస్తామని ప్రకటించడంతో తదుపరి చర్యలపై ఆసక్తి నెలకొంది. సంబంధిత అధికారులు నియామక ప్రక్రియకు సంబంధించిన నిబంధనలు, వివరాలను పరిశీలించి స్పష్టత ఇవ్వాల్సిన అవసరం ఉందని స్థానికులు అభిప్రాయపడుతున్నారు.

మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి 

జిల్లా స్టాఫ్ రిపోర్టర్ తో పాటు నియోజకవర్గాలకు మండలాలు వారిగా రిపోర్టర్స్ కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి