ఉచిత కంటి పరీక్ష శిబిరం..

మన భారత్, తలమడుగు (ఆదిలాబాద్):
తలమడుగు మండలం లచ్చంపూర్ గ్రామంలో గ్రామస్తుల ఆరోగ్య పరిరక్షణకు తోడ్పడేలా ఉచిత కంటి పరీక్ష శిబిరం ఘనంగా నిర్వహించారు. శనివారం మావలలోని ఎల్వీ ప్రసాద్ కంటి ఆసుపత్రి (LV Prasad Eye Hospital) ఆధ్వర్యంలో ఈ శిబిరాన్ని లచ్చంపూర్ గ్రామపంచాయతీ కార్యాలయంలో ఏర్పాటు చేశారు. గ్రామీణ ప్రాంత ప్రజలకు కంటి సంబంధిత వైద్య సేవలు అందించాలనే ఉద్దేశంతో నిర్వహించిన ఈ శిబిరానికి గ్రామస్తుల నుంచి విశేష స్పందన లభించింది.

ఈ శిబిరంలో గ్రామానికి చెందిన వృద్ధులు, కంటి చూపు సమస్యలతో బాధపడుతున్న వారు, మహిళలు, ఇతర గ్రామస్తులు పెద్ద సంఖ్యలో పాల్గొని తమ కంటి పరీక్షలు చేయించుకున్నారు. వైద్య సిబ్బంది ప్రతి ఒక్కరికి కంటి ఆరోగ్యంపై పరీక్షలు నిర్వహించి, సమస్యలను గుర్తించి తగిన సూచనలు అందించారు. అవసరమైన వారికి ఉచితంగా మందులు పంపిణీ చేయడం కార్యక్రమానికి ప్రత్యేక ఆకర్షణగా నిలిచింది.

గ్రామీణ ప్రాంతాల్లో చాలామంది కంటి సమస్యలను నిర్లక్ష్యం చేయడం వల్ల భవిష్యత్తులో పెద్ద సమస్యలు తలెత్తే ప్రమాదం ఉందని వైద్యులు సూచించారు. ప్రారంభ దశలోనే పరీక్షలు చేయించుకోవడం ద్వారా కంటి ఆరోగ్యాన్ని కాపాడుకోవచ్చని అవగాహన కల్పించారు. ఈ ఉచిత శిబిరం ద్వారా గ్రామస్తులకు వైద్య సేవలు అందించడం పట్ల స్థానికులు హర్షం వ్యక్తం చేశారు.

ఈ కార్యక్రమంలో సెడ్మాకి జంగు సర్పంచ్, బీజేవైఎం మండల అధ్యక్షులు దాతజీ కిరణ్, విలాస్, సాయి, సెక్రటరీ వంశీ సార్, ANM వెంకటమ్మ, ఆశ కార్యకర్త గంగుబాయి, పెందూర్ తెలంగ్ రావు, కారోబర్ వెంకటేష్, మనోహర్, గొల్ల దాసు తదితరులు పాల్గొని కార్యక్రమాన్ని విజయవంతం చేశారు.

కంటి చూపు సమస్యలతో బాధపడుతున్న గ్రామీణ ప్రజలకు ఇలాంటి ఉచిత వైద్య శిబిరాలు ఎంతో ఉపయోగకరమని పలువురు అభిప్రాయపడ్డారు. గ్రామస్థాయిలో వైద్య సేవలు అందించడం ద్వారా ప్రజల్లో ఆరోగ్యంపై అవగాహన పెరుగుతుందని, ఇలాంటి సేవా కార్యక్రమాలు మరింత విస్తరించాలని గ్రామస్తులు కోరుతున్నారు.

మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి..