తెలంగాణలో బీజేపీ అధికారం: ప్రధాని మోదీ

మన భారత్, హైదరాబాద్:
తెలంగాణలో భారతీయ జనతా పార్టీ వేగంగా బలపడుతోందని, భవిష్యత్తులో రాష్ట్రంలో బీజేపీ అధికారంలోకి రావడం ఖాయమని ప్రధాని నరేంద్ర మోదీ ధీమా వ్యక్తం చేశారు. ఆదివారం సికింద్రాబాద్‌లోని Parade Ground లో నిర్వహించిన బీజేపీ భారీ బహిరంగ సభలో పాల్గొన్న ఆయన పార్టీ కార్యకర్తలను ఉద్దేశించి ప్రసంగించారు.

పశ్చిమ బెంగాల్‌లో బీజేపీ తొలిసారి అద్భుత విజయాన్ని నమోదు చేసుకుందని గుర్తు చేసిన ప్రధాని, ప్రస్తుతం తెలంగాణలో కూడా అలాంటి రాజకీయ పరిస్థితులు కనిపిస్తున్నాయని పేర్కొన్నారు. ప్రజల్లో బీజేపీ పట్ల విశ్వాసం పెరుగుతోందని, కార్యకర్తల ఉత్సాహం చూస్తుంటే తెలంగాణలో పార్టీ అధికారంలోకి రావడం దూరంలో లేదనే నమ్మకం కలుగుతోందని అన్నారు.

తెలంగాణ ప్రజలు మార్పును కోరుకుంటున్నారని, అభివృద్ధి, పారదర్శక పాలన కోసం బీజేపీ వైపు చూస్తున్నారని ప్రధాని వ్యాఖ్యానించారు. కేంద్ర ప్రభుత్వం చేపడుతున్న అభివృద్ధి కార్యక్రమాలకు రాష్ట్ర ప్రజల నుంచి మంచి స్పందన లభిస్తోందని తెలిపారు.

దేశ అభివృద్ధిలో తెలంగాణ కీలక రాష్ట్రంగా ఎదుగుతోందని పేర్కొన్న ప్రధాని, రాష్ట్ర యువతలో అపారమైన శక్తి ఉందన్నారు. యువతకు ఉపాధి అవకాశాలు, పరిశ్రమల విస్తరణ, మౌలిక సదుపాయాల అభివృద్ధి కోసం కేంద్ర ప్రభుత్వం కట్టుబడి ఉందని తెలిపారు.

బీజేపీ కార్యకర్తలు ప్రజల్లోకి వెళ్లి కేంద్ర ప్రభుత్వ సంక్షేమ కార్యక్రమాలను వివరించాలని ప్రధాని సూచించారు. ప్రజల సమస్యల పరిష్కారమే పార్టీ ప్రధాన లక్ష్యమని పేర్కొన్నారు. గ్రామీణాభివృద్ధి, రైతు సంక్షేమం, మహిళా సాధికారత, యువతకు అవకాశాల కల్పన వంటి అంశాల్లో బీజేపీ ప్రభుత్వం ప్రత్యేక దృష్టి పెట్టిందని వివరించారు.

సభకు భారీ సంఖ్యలో హాజరైన కార్యకర్తలను ఉద్దేశించి మాట్లాడుతూ పార్టీ బలోపేతానికి కృషి చేస్తున్న ప్రతి కార్యకర్తకు అభినందనలు తెలిపారు. ప్రజల ఆశయాలను నెరవేర్చే దిశగా బీజేపీ ముందుకు సాగుతోందని అన్నారు.

పరేడ్ గ్రౌండ్‌లో జరిగిన ఈ సభ రాజకీయ వర్గాల్లో చర్చనీయాంశంగా మారింది. తెలంగాణ రాజకీయాల్లో బీజేపీ భవిష్యత్ వ్యూహాలపై ఈ సభ కీలక సంకేతాలు ఇచ్చిందని రాజకీయ విశ్లేషకులు అభిప్రాయపడుతున్నారు.

మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి..