హాస్టళ్లలో 1,433 పోస్టుల భర్తీ.. అసెంబ్లీలో మంత్రి సవిత ప్రకటన

మన భారత్, అమరావతి:

ఆంధ్రప్రదేశ్‌లో సంక్షేమ హాస్టళ్లలో ఖాళీగా ఉన్న 1,433 పోస్టులను భర్తీ చేయనున్నట్లు మంత్రి సవిత అసెంబ్లీలో వెల్లడించారు. విద్యార్థులకు మెరుగైన సౌకర్యాలు కల్పించేందుకు ఈ నిర్ణయం తీసుకున్నట్లు తెలిపారు.

మొత్తం 142 కుక్, లేబర్ పోస్టులు మరియు 1,291 పారిశుద్ధ్య సిబ్బంది పోస్టులను భర్తీ చేస్తామని మంత్రి వివరించారు. హాస్టళ్లలో పరిశుభ్రత, భోజన వసతుల మెరుగుదల కోసం ఈ నియామకాలు ఉపయోగపడతాయని పేర్కొన్నారు.

అదనంగా రాష్ట్రంలో 10 కొత్త MJP బీసీ గురుకులాలను స్థాపించనున్నట్లు ప్రకటించారు. అలాగే 6 గురుకుల పాఠశాలలను కాలేజీలుగా అప్గ్రేడ్ చేయనున్నట్లు తెలిపారు. విద్యార్థుల ఉన్నత విద్యకు ప్రోత్సాహం కల్పించే దిశగా చర్యలు తీసుకుంటున్నామని చెప్పారు.

పోస్ట్ మెట్రిక్ స్కాలర్షిప్ల కోసం రూ.420 కోట్లను, ఫీజు రీయింబర్స్మెంట్ కోసం రూ.933 కోట్లను కేటాయించినట్లు మంత్రి సవిత వెల్లడించారు. సంక్షేమ విద్యా రంగ అభివృద్ధికి ప్రభుత్వం కట్టుబడి ఉందని స్పష్టం చేశారు.