ఉండం గ్రామానికి నూతన సర్పంచ్గా బోండ్ల మహేందర్ ప్రమాణ స్వీకారం
మన భారత్, తలమడుగు: తలమడుగు మండలంలోని ఉండం గ్రామపంచాయతీ నూతన సర్పంచ్గా బోండ్ల మహేందర్ సోమవారం అధికారికంగా ప్రమాణ స్వీకారం చేశారు. గ్రామపంచాయతీ కార్యాలయంలో జరిగిన ఈ కార్యక్రమం ఉత్సాహభరితంగా సాగింది. ప్రమాణ స్వీకార కార్యక్రమానికి ఏఈఓ రవినా హాజరై బోండ్ల మహేందర్తో ప్రమాణం చేయించారు.
ఈ సందర్భంగా ఉప సర్పంచ్ రఫిక్, పంచాయతీ కార్యదర్శి శ్రీలతతో పాటు గ్రామ పెద్దలు, ప్రజాప్రతినిధులు, స్థానికులు పెద్ద సంఖ్యలో పాల్గొన్నారు. నూతన సర్పంచ్ బోండ్ల మహేందర్ మాట్లాడుతూ తనపై నమ్మకం ఉంచిన గ్రామ ప్రజలకు కృతజ్ఞతలు తెలిపారు. గ్రామ అభివృద్ధే తన ప్రధాన లక్ష్యమని పేర్కొంటూ, తాగునీరు, పారిశుధ్యం, రహదారులు, వీధి దీపాలు వంటి మౌలిక సదుపాయాల మెరుగుదలతో పాటు సంక్షేమ పథకాలు అర్హులందరికీ అందేలా కృషి చేస్తానని హామీ ఇచ్చారు.
గ్రామాన్ని ఆదర్శంగా తీర్చిదిద్దేందుకు అందరి సహకారం అవసరమని కోరిన ఆయన, పంచాయతీ సభ్యులతో కలిసి పారదర్శక పాలన అందిస్తామని తెలిపారు. కార్యక్రమం ముగింపులో నూతన సర్పంచ్కు గ్రామస్తులు శుభాకాంక్షలు తెలియజేశారు.