నేడు కొత్త ఎలక్ట్రిక్ బస్సులు షురూ..

🚍 హైదరాబాద్ రోడ్లపైకి కొత్త ఊపు: నేడు సేవల్లోకి 65 ఎలక్ట్రిక్ బస్సులు

మన భారత్, హైదరాబాద్: పట్టణ రవాణాలో పర్యావరణహిత మార్పులకు మరొక అడుగు ముందుపెడుతూ బుధవారం హైదరాబాద్ రోడ్లపైకి 65 తాజా ఎలక్ట్రిక్ బస్సులు రానున్నాయి. రాణిగంజ్ డిపోలో జరిగే ప్రత్యేక కార్యక్రమంలో ఈవీట్రాన్స్ సంస్థ నిర్వహణలో నడిచే ఈ బస్సులను అధికారికంగా ప్రారంభించనున్నారు.

ఉదయం 10 గంటలకు జరగనున్న ఈ కార్యక్రమానికి కేంద్ర మంత్రి జి. కిషన్ రెడ్డి, తెలంగాణ రవాణాశాఖ మంత్రి పొన్నం ప్రభాకర్, నగర మేయర్ గద్వాల విజయలక్ష్మి, ఆర్టీసీ ఎండీ వై. నాగిరెడ్డి, పలువురు అధికారులు, స్థానిక నేతలు హాజరు కానున్నారు. ప్రారంభ కార్యక్రమం అనంతరం ఈ బస్సులు నగరంలోని వివిధ రూట్లలో సేవలు అందించనున్నాయి.

ఇప్పటికే అనేక మార్గాల్లో ఎలక్ట్రిక్ బస్సులు విజయవంతంగా నడుస్తున్నాయి. నగరంలో రోజురోజుకు పెరుగుతున్న కాలుష్యాన్ని తగ్గించాలనే లక్ష్యంతో ఆర్టీసీ ఎలక్ట్రిక్ వాహనాలను దశలవారీగా వినియోగంలోకి తెస్తోంది. పర్యావరణ రక్షణ, ఆర్థిక ప్రయోజనం, శుభ్రమైన ప్రయాణం లక్ష్యంగా ఇవి కీలక పాత్ర పోషించనున్నాయి.