విద్యార్థులకు స్కూల్ బ్యాగులు, కంపాస్లు, వాటర్ బాటిళ్ల పంపిణీ
మన భారత్, జైనథ్: జైనథ్ మండలంలోని లక్ష్మీపూర్ గ్రామంలో బహుజన్ సమాజ్ పార్టీ ఆధ్వర్యంలో విద్యార్థులకు స్కూల్ బ్యాగులు, కంపాస్లు, వాటర్ బాటిళ్లను పంపిణీ చేశారు. విద్యార్థులను ప్రోత్సహించడం, విద్య పట్ల ఆసక్తిని పెంపొందించడం లక్ష్యంగా ఈ కార్యక్రమాన్ని నిర్వహించినట్లు నిర్వాహకులు తెలిపారు.
ఈ సందర్భంగా విద్యార్థులకు విద్య ప్రాధాన్యతతో పాటు సమాజ అభివృద్ధిలో విద్య పోషించే కీలక పాత్ర గురించి వివరించారు. మహనీయులు జ్యోతిబా ఫూలే, సావిత్రిబాయి ఫూలే, డాక్టర్ బీఆర్ అంబేద్కర్, కాన్షీరాం చూపిన మార్గం, వారి ఆలోచనా విధానం గురించి విద్యార్థులకు అవగాహన కల్పించారు. విద్య ద్వారానే సామాజిక చైతన్యం, సమానత్వం, అభివృద్ధి సాధ్యమవుతాయని పేర్కొన్నారు.
అలాగే ప్రజాస్వామ్యంలో ఓటు హక్కు ప్రాధాన్యత గురించి కూడా విద్యార్థులకు వివరించారు. ఓటు అనేది ప్రతి పౌరుడి హక్కు మాత్రమే కాకుండా సమాజ భవిష్యత్తును ప్రభావితం చేసే బాధ్యత అని తెలిపారు. యువత విద్యతో పాటు సామాజిక, ప్రజాస్వామ్య అంశాలపై అవగాహన పెంచుకోవాలని సూచించారు.
విద్యార్థులకు అవసరమైన విద్యా సామగ్రిని అందించడం ద్వారా వారి చదువుకు కొంతమేర సహకారం అందించాలనే ఉద్దేశంతో ఈ కార్యక్రమాన్ని చేపట్టినట్లు బీఎస్పీ నాయకులు తెలిపారు. విద్యార్థులు ఈ అవకాశాలను సద్వినియోగం చేసుకుని ఉన్నత లక్ష్యాలను సాధించాలని ఆకాంక్షించారు.
ఈ కార్యక్రమంలో అంబేద్కర్ నగర్ వాసులతో పాటు ఆదిలాబాద్ జిల్లా అధ్యక్షులు రత్నాపురం రమేష్, ఆదిలాబాద్ నియోజకవర్గం అధ్యక్షులు దుమ్ము శ్రీహరి, ఆరెపల్లి రాహుల్, నాగన్న, కళ్యాణ్, మహేష్ తదితరులు పాల్గొన్నారు.
మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి
ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి .
