దేవాపూర్లో తౌడ దేవా రెడ్డి పెద్దకర్మకు హాజరైన మార్కెట్ కమిటీ చైర్మన్ బోరంచు శ్రీకాంత్ రెడ్డి
చిత్రపటానికి పూలమాల వేసి నివాళులర్పించిన మార్కెట్ కమిటీ చైర్మన్
తలమడుగు:మన భారత్, సెప్టెంబర్ 7, తలమడుగు మండలం దేవాపూర్ గ్రామానికి చెందిన తౌడ దేవా రెడ్డి పెద్దకర్మ కార్యక్రమం గ్రామంలో నిర్వహించారు. ఈ కార్యక్రమానికి ఆదిలాబాద్ మార్కెట్ కమిటీ చైర్మన్ బోరంచు శ్రీకాంత్ రెడ్డి హాజరై, తౌడ దేవా రెడ్డి చిత్రపటానికి పూలమాల వేసి ఘనంగా నివాళులర్పించారు.
ఈ సందర్భంగా ఆయన దేవా రెడ్డి కుటుంబ సభ్యులను పరామర్శించి, కుటుంబానికి తన ప్రగాఢ సానుభూతిని తెలియజేశారు. కుటుంబ సభ్యులతో కొద్దిసేపు మాట్లాడి వారి పరిస్థితిని తెలుసుకున్నారు. మృతుల కుటుంబాలకు ఇలాంటి కష్టకాలంలో అండగా నిలవడం, వారి బాధను పంచుకోవడం సామాజిక బాధ్యతలో భాగమని పేర్కొన్నారు.
పెద్దకర్మ కార్యక్రమానికి గ్రామానికి చెందిన పలువురు ప్రముఖులు, బంధువులు, కుటుంబ సభ్యులు, స్థానికులు హాజరై తౌడ దేవా రెడ్డి చిత్రపటానికి నివాళులు అర్పించారు. ఈ సందర్భంగా ఆయనతో తమకున్న అనుబంధాన్ని గుర్తుచేసుకుంటూ కుటుంబ సభ్యులకు ధైర్యం చెప్పారు.
బోరంచు శ్రీకాంత్ రెడ్డి హాజరు కావడంతో దేవా రెడ్డి కుటుంబ సభ్యులు కృతజ్ఞతలు తెలిపారు. కష్టసమయంలో తమ కుటుంబాన్ని పరామర్శించి ధైర్యం చెప్పినందుకు ధన్యవాదాలు తెలియజేశారు.
దేవాపూర్ గ్రామంలో జరిగిన ఈ పెద్దకర్మ కార్యక్రమం సందర్భంగా పలువురు గ్రామస్థులు పాల్గొని తౌడ దేవా రెడ్డి ఆత్మకు శాంతి చేకూరాలని ఆకాంక్షించారు
మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి
ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.
