మన భారత్, తలమడుగు
ఆదిలాబాద్ పట్టణంలోని దస్నాపూర్లో నిర్వహించనున్న శ్రీ బీరప్ప స్వామి కామరాతి కళ్యాణ మహోత్సవానికి హాజరుకావాలని తలమడుగు మండల బీసీ సంక్షేమ సంఘం అధ్యక్షుడు మేకల రవికాంత్ యాదవ్ను కురుమ సంఘం నాయకులు ఆహ్వానించారు.
జిల్లా కేంద్రంలోని ఆయన నివాసంలో మర్యాదపూర్వకంగా కలిసి శాలువాతో సత్కరించి ఆహ్వాన పత్రికను అందజేశారు. ఈ సందర్భంగా కురుమ సంఘం నాయకులు మాట్లాడుతూ, ప్రతి ఏడాది భక్తిశ్రద్ధలతో నిర్వహించే ఈ మహోత్సవం ప్రాంతీయ సంప్రదాయాలకు ప్రతీకగా నిలుస్తుందని పేర్కొన్నారు. సమాజ ఐక్యతను బలోపేతం చేసే ఈ వేడుకలో ప్రజలు పెద్ద సంఖ్యలో పాల్గొని విజయవంతం చేయాలని కోరారు.
ఈ కార్యక్రమంలో కురుమ సంఘం నాయకులు శ్రీనివాస్, కొమురయ్య, సతీష్, రవి, రాజు, రాకేష్, రాజు తదితరులు పాల్గొన్నారు. స్థానికంగా ఈ మహోత్సవానికి విశేష ప్రాధాన్యత ఉండటంతో ఏర్పాట్లు జోరుగా కొనసాగుతున్నాయి.
భక్తుల కోసం ప్రత్యేక ఏర్పాట్లు చేయడంతో పాటు, సంప్రదాయ కార్యక్రమాలు, పూజలు ఘనంగా నిర్వహించనున్నట్లు నిర్వాహకులు తెలిపారు.
మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి..
