పంట అవశేషాలు కాలిస్తే జరిమానా.!

పంట అవశేషాలు కాలిస్తే జరిమానాలు: కలెక్టర్

మన భారత్, ఆదిలాబాద్: అక్టోబర్ 23: పంట కోతల అనంతరం పొలాల్లో మిగిలే పంట అవశేషాలను రైతులు కాల్చకుండా, వాటిని సద్వినియోగం చేసుకోవాలని జిల్లా కలెక్టర్ రాజర్షి షా సూచించారు. పంట అవశేషాలను పొలాల్లోనే నేలలో కలిపి మల్చింగ్ చేయడం ద్వారా భూమిలో తేమను నిల్వ చేసుకునే అవకాశం ఉంటుందని తెలిపారు.

ప్రస్తుతం పంట కోతల అనంతరం పొలాల్లో మిగిలే అవశేషాలను కొందరు రైతులు తొందరగా తొలగించేందుకు నిప్పు పెడుతున్నారని, దీనివల్ల నేల సారవంతతతో పాటు పర్యావరణంపై కూడా ప్రతికూల ప్రభావం పడే అవకాశం ఉందని కలెక్టర్ పేర్కొన్నారు. అవశేషాలను కాల్చడం కంటే వాటిని నేలలో కలిపి సేంద్రియ పదార్థంగా మార్చుకోవడం ప్రయోజనకరమని సూచించారు.

మల్చింగ్ పద్ధతిలో పంట అవశేషాలను భూమిలో కలపడం వల్ల నేలలో తేమ శాతం కొంత మేర నిల్వ ఉండటంతో పాటు తదుపరి పంటలకు అనుకూల పరిస్థితులు ఏర్పడతాయని తెలిపారు. ముఖ్యంగా శనగ, మినుములు, నువ్వులు వంటి పంటల సాగులో నేలలో తేమ అందుబాటులో ఉండటం దిగుబడికి ఉపయోగపడుతుందని కలెక్టర్ వివరించారు.

నిబంధనలు ఉల్లంఘిస్తే జరిమానాలు

పంట అవశేషాలను కాల్చకుండా రైతులకు అవగాహన కల్పించడంతో పాటు నిబంధనల అమలుపై అధికారులు దృష్టి సారించాలని కలెక్టర్ ఆదేశించారు. నిబంధనలను ఉల్లంఘించి పొలాల్లో పంట అవశేషాలకు నిప్పు పెట్టే వారిపై చర్యలు తీసుకుంటామని స్పష్టం చేశారు. అవసరమైతే గ్రామపంచాయతీల ద్వారా జరిమానాలు విధించేలా చర్యలు చేపడతామని హెచ్చరించారు.

పంట అవశేషాలను కాల్చడం ద్వారా ఏర్పడే పొగతో వాయు కాలుష్యం పెరగడంతో పాటు మట్టిలోని ఉపయోగకరమైన సూక్ష్మజీవులు, సేంద్రియ పదార్థాలపై ప్రభావం పడే అవకాశం ఉన్నందున రైతులు ప్రత్యామ్నాయ పద్ధతులను పాటించాలని అధికారులు సూచిస్తున్నారు.

రైతులు పంట అవశేషాలను కాల్చకుండా వాటిని పొలాల్లోనే కలిపి మల్చింగ్ చేయడం, తద్వారా నేలలో తేమను కాపాడుకోవడంతో పాటు భూసారాన్ని పరిరక్షించుకోవాలని కలెక్టర్ రాజర్షి షా కోరారు. గ్రామస్థాయిలో రైతులకు ఈ అంశంపై అవగాహన కల్పించాలని సంబంధిత అధికారులు, గ్రామపంచాయతీ సిబ్బందికి సూచించారు.

Cell Number : cell_number : 9573391945

User Name : user_name : Gontimukkula prasad