e-paper
హోం ఆరోగ్యం క్రైం సినిమా క్రీడలు బిజినెస్
✖ Close Home Privacy Policy Disclaimer About Us Terms & Conditions
Tuesday, November 10, 2026

జొన్న రైతులకు అన్నదానం చేసిన నేతలు..

జొన్న రైతుల కోసం ఎమ్మెల్యే అనిల్ జాదవ్ ఆధ్వర్యంలో అన్నదానం

తాంసి సబ్ మార్కెట్ యార్డులో నాలుగో రోజు కొనసాగిన సేవా కార్యక్రమం

జొన్న కొనుగోళ్లలో జాప్యంపై కాంగ్రెస్ ప్రభుత్వాన్ని విమర్శించిన బీఆర్ఎస్ నాయకులు

మన భారత్, తాంసి: తాంసి మండలంలోని సబ్ మార్కెట్ యార్డులో జొన్న రైతుల సౌకర్యార్థం ఎమ్మెల్యే అనిల్ జాదవ్ ఆధ్వర్యంలో అన్నదాన కార్యక్రమం బుధవారం నాలుగో రోజు కొనసాగింది. కొనుగోలు కేంద్రానికి వచ్చిన రైతులకు భోజన సదుపాయం కల్పిస్తూ ఈ కార్యక్రమాన్ని నిర్వహించారు.

ఈ సందర్భంగా బీఆర్ఎస్ పార్టీ మాజీ మండల కన్వీనర్ కృష్ణ రత్న ప్రకాష్ మాట్లాడుతూ, జొన్న కొనుగోళ్ల విషయంలో కాంగ్రెస్ ప్రభుత్వం తీవ్ర నిర్లక్ష్యం ప్రదర్శిస్తోందని ఆరోపించారు. గత 20 రోజులుగా కొనుగోలు ప్రక్రియలో జాప్యం జరుగుతుండటంతో రైతులు తీవ్ర ఇబ్బందులు ఎదుర్కొంటున్నారని అన్నారు.

రైతులు తమ పంటను విక్రయించేందుకు మార్కెట్ యార్డుల వద్ద రోజులు తరబడి వేచి ఉండాల్సిన పరిస్థితి ఏర్పడిందని, దీంతో ఆర్థికంగా నష్టపోతున్నారని ఆవేదన వ్యక్తం చేశారు. రైతుల సమస్యలను పరిష్కరించడంలో ప్రభుత్వం తక్షణ చర్యలు తీసుకోవాలని డిమాండ్ చేశారు.

తెలంగాణ రాష్ట్ర తొలి ముఖ్యమంత్రి హయాంలో రైతు సంక్షేమానికి పెద్దపీట వేయబడిందని, రైతు బంధు, రైతు బీమా వంటి పథకాల ద్వారా వ్యవసాయ రంగానికి విశేష ప్రోత్సాహం లభించిందని గుర్తు చేశారు. ప్రస్తుతం రైతులు ఎదుర్కొంటున్న సమస్యలను ప్రభుత్వం వెంటనే పరిష్కరించాలని కోరారు.

అనంతరం మార్కెట్ యార్డులో ఉన్న రైతులకు అన్నదానం నిర్వహించి వారి సమస్యలను అడిగి తెలుసుకున్నారు. రైతులకు అవసరమైన సౌకర్యాలు కల్పించేందుకు తమ వంతు సహకారం అందిస్తామని నాయకులు హామీ ఇచ్చారు.

ఈ కార్యక్రమంలో బీఆర్ఎస్ నాయకులు మలపతి అశోక్, తోట మహేందర్, లఖన్, లింగన్న, కళ్యాణ్ తదితరులు పాల్గొన్నారు.

📲 మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్‌పై క్లిక్ చేయండి.

RELATED ARTICLES

LEAVE A REPLY

Please enter your comment!
Please enter your name here

Most Popular

Recent Comments

Bottom Navigation + Breaking Ticker
Breaking News LIVE