ప్రపంచంలో బంగారం ఉత్పత్తి చేసే దేశాలు ఇవే..!

ప్రపంచంలో అత్యధికంగా బంగారం ఉత్పత్తి చేసే దేశాల జాబితా విడుదల
మన భారత్ – Global Economy News: బంగారం ధరలు ఎగసిపడుతున్నప్పటికీ ప్రపంచవ్యాప్తంగా డిమాండ్ మాత్రం తగ్గడం లేదు. వరల్డ్ గోల్డ్ కౌన్సిల్ విడుదల చేసిన 2025 గ్లోబల్ గోల్డ్ ప్రొడక్షన్ అంచనాలు ప్రకారం, ప్రపంచంలో అత్యధికంగా బంగారం ఉత్పత్తి చేసే దేశాలలో చైనా అగ్రస్థానంలో నిలిచింది. ఇందుకు తోడు వనరులు, గనుల అభివృద్ధి, సాంకేతికతలో పెట్టుబడులు చైనాను ముందంజలో నిలబెట్టాయనే విశ్లేషణలు ఉన్నాయి.

చైనాకు తర్వాత రష్యా, ఆస్ట్రేలియా, కెనడా, అమెరికా, ఘనా, మెక్సికో, ఇండోనేషియా, పెరూ, ఉజ్బెకిస్తాన్ టాప్ 10 దేశాల జాబితాలో స్థానం దక్కించుకున్నాయి. ఈ దేశాలు గనుల విస్తరణ, ఆధునిక మైనింగ్ టెక్నాలజీలతో బంగారం ఉత్పత్తిలో ఆధిపత్యం కొనసాగిస్తున్నాయి.

చర్చనీయాంశంగా… ఈ జాబితాలో భారత్‌కు చోటు దక్కలేదు.
భారతదేశంలో బంగారం ఉత్పత్తి ప్రపంచ మొత్తం ఉత్పత్తిలో 0.5% కన్నా తక్కువ. అయినప్పటికీ ప్రపంచ గోల్డ్ డిమాండ్లో 25%కు పైగా భారతదేశం వాటా ఉన్నది విశేషం.

నిపుణుల మాటల్లో…
“భారతీయుల బంగారంపై ఆసక్తి ప్రపంచంలో ఏ దేశానిదీ కాదు. ఇళ్లలో, దేవాలయాల్లో నిల్వ ఉన్న బంగారం విలువ దేశ రెండు సంవత్సరాల బడ్జెట్‌ను మించిపోతుంది” అని విశ్లేషకులు చెబుతున్నారు.

2025లో బంగారం ఉత్పత్తిలో టాప్ 10 దేశాలు

1. చైనా
2. రష్యా
3. ఆస్ట్రేలియా
4. కెనడా
5. అమెరికా
6. ఘనా
7. మెక్సికో
8. ఇండోనేషియా
9. పెరూ
10. ఉజ్బెకిస్తాన్

ప్రపంచ మార్కెట్లపై బంగారం ప్రభావం కొనసాగుతూనే ఉండబోతోందని, డిమాండ్–సప్లై సమీకరణం ఆధారంగా రాబోయే నెలల్లో ధరల్లో మార్పులు వచ్చే అవకాశమున్నట్లు నిపుణులు అంచనా వేస్తున్నారు.