పోలీసుల విధులకు ఆటంకం కలిగిస్తే కఠిన చర్యలు
గణపతి నిమజ్జన బందోబస్తులో ఆటంకాలు.. ముగ్గురిపై కేసులు నమోదు
మద్యం సేవించి ప్రజాశాంతికి భంగం కలిగించిన వారిపై చర్యలు.. వైర్లు, కేబుళ్లకు నష్టం కలిగించేలా వ్యవహరించిన కౌన్సిలర్పై కేసు
మన భారత్, సెప్టెంబర్ 23, ఆదిలాబాద్: గణపతి నవరాత్రి ఉత్సవాల నిమజ్జన కార్యక్రమాలు ప్రశాంతంగా జరిగేలా పోలీసులు బందోబస్తు నిర్వహిస్తున్న సమయంలో విధులకు ఆటంకం కలిగించిన ముగ్గురిపై కేసులు నమోదు చేసినట్లు ఆదిలాబాద్ 2 టౌన్ ఇన్స్పెక్టర్ కె. నాగరాజు తెలిపారు. మద్యం సేవించి ప్రజాశాంతికి భంగం కలిగించేలా వ్యవహరించిన వారిపై చట్టపరమైన చర్యలు తీసుకున్నట్లు పేర్కొన్నారు.
పోలీసుల వివరాల ప్రకారం.. భాగ్యనగర్కు చెందిన కౌన్సిలర్ గంట జీవన్ గణపతి నిమజ్జన బందోబస్తులో విధులు నిర్వహిస్తున్న పోలీసు సిబ్బందికి ఆటంకం కలిగిస్తూ, మద్యం సేవించి అనుచితంగా ప్రవర్తించినట్లు తెలిపారు. అంతేకాకుండా విద్యుత్ వైర్లు, కేబుళ్లను కత్తిరించి నష్టం కలిగించేలా వ్యవహరించినట్లు పోలీసులు పేర్కొన్నారు. ఈ ఘటనపై 2 టౌన్ పోలీస్ స్టేషన్లో కేసు నమోదు చేసి చట్టపరమైన చర్యలు చేపట్టినట్లు ఇన్స్పెక్టర్ తెలిపారు.
అదే విధంగా మహాలక్ష్మివాడకు చెందిన బట్టువార్ రామకృష్ణ మద్యం సేవించి గణపతి నిమజ్జన కార్యక్రమానికి ఆటంకం కలిగించేలా వ్యవహరించడంతో పాటు పోలీసుల విధులకు అంతరాయం కలిగించి, ప్రజాశాంతికి భంగం కలిగించేలా ప్రవర్తించినట్లు పోలీసులు తెలిపారు. దీంతో అతనిపై కూడా కేసు నమోదు చేసినట్లు వెల్లడించారు.
క్రాంతినగర్కు చెందిన అరుణ్ సైతం మద్యం సేవించి గణపతి నవరాత్రి నిమజ్జన ఉత్సవాల సందర్భంగా గొడవలకు దారితీసే విధంగా వ్యవహరించినట్లు పోలీసులు పేర్కొన్నారు. ఈ ఘటనపై అతనిపై కేసు నమోదు చేసినట్లు 2 టౌన్ ఇన్స్పెక్టర్ కె. నాగరాజు తెలిపారు.
పోలీసులకు సహకరించాలని విజ్ఞప్తి
గణపతి నిమజ్జన ఉత్సవాలు ప్రశాంత వాతావరణంలో, భక్తిశ్రద్ధలతో నిర్వహించుకునేందుకు ప్రజలు పోలీసులకు సహకరించాలని ఇన్స్పెక్టర్ కోరారు. నిమజ్జన బందోబస్తులో విధులు నిర్వహిస్తున్న పోలీసు సిబ్బందికి ఆటంకం కలిగించడం, మద్యం సేవించి ప్రజలకు ఇబ్బందులు కలిగించడం, గొడవలకు పాల్పడటం లేదా శాంతిభద్రతలకు విఘాతం కలిగించేలా వ్యవహరించడం వంటి చర్యలను సహించబోమని స్పష్టం చేశారు.
ఉత్సవాల సందర్భంగా ప్రతి ఒక్కరూ సంయమనం పాటించాలని, పోలీసుల సూచనలు, నిబంధనలు పాటిస్తూ నిమజ్జన కార్యక్రమాలను సజావుగా నిర్వహించుకోవాలని సూచించారు. శాంతిభద్రతలకు విఘాతం కలిగించే చర్యలకు పాల్పడే వారిపై చట్టప్రకారం కఠిన చర్యలు తీసుకుంటామని హెచ్చరించారు.
మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి
ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.
