ఆదిలాబాద్ రిమ్స్లో సెప్టెంబర్లో UDID ధ్రువపత్రాల క్యాంపులు
వైకల్య ధ్రువపత్రాల కోసం ప్రత్యేక వైద్య శిబిరాలు.. కేటాయించిన తేదీల్లోనే హాజరు కావాలని అధికారుల సూచన
ఆదిలాబాద్, మన భారత్,సెప్టెంబర్ 7:వైకల్య ధ్రువపత్రాలు పొందేందుకు దరఖాస్తు చేసుకున్న వారికి ఆదిలాబాద్ జిల్లా గ్రామీణాభివృద్ధి సంస్థ ఆధ్వర్యంలో సెప్టెంబర్ 2026లో ప్రత్యేక వైద్య శిబిరాలను నిర్వహించనున్నారు. జిల్లా కలెక్టర్ ఆదేశాల మేరకు స్థానిక రిమ్స్ ఆసుపత్రిలో (RIMS, ఆదిలాబాద్) వివిధ రకాల వైకల్యాలకు సంబంధించి వైద్య పరీక్షలు, UDID ప్రక్రియ నిర్వహించనున్నట్లు జిల్లా గ్రామీణాభివృద్ధి అధికారి ఒక ప్రకటనలో తెలిపారు.
ఆన్లైన్లో వైకల్య ధ్రువపత్రాల కోసం దరఖాస్తు చేసుకున్న అభ్యర్థులకు వారి మొబైల్ ఫోన్లకు శిబిరం తేదీకి సంబంధించిన సమాచారం మెసేజ్ రూపంలో పంపినట్లు అధికారులు తెలిపారు. అదేవిధంగా సంబంధిత అభ్యర్థులకు ఫోన్ ద్వారా కూడా క్యాంపు వివరాలను తెలియజేస్తున్నట్లు పేర్కొన్నారు.
సెప్టెంబర్లో క్యాంపుల తేదీలు
వివిధ రకాల వైకల్యాలకు అనుగుణంగా రిమ్స్ ఆసుపత్రిలో కింది తేదీల్లో శిబిరాలను నిర్వహించనున్నారు:
* సెప్టెంబర్ 8: వినికిడి లోపం, దృష్టి లోపం, తక్కువ దృష్టి
* సెప్టెంబర్ 9: ఆర్థోపెడిక్, లోకోమోటర్ వైకల్యాలు
* సెప్టెంబర్ 12: మానసిక సంబంధిత వైకల్యాలు, రక్తహీనత, బుద్ధి మాంద్యం
* సెప్టెంబర్ 16: ఆర్థోపెడిక్, లోకోమోటర్ వైకల్యాలు
* సెప్టెంబర్ 17: ఆర్థోపెడిక్, లోకోమోటర్ వైకల్యాలు
* సెప్టెంబర్ 19: వినికిడి లోపం, దృష్టి లోపం, తక్కువ దృష్టి
* సెప్టెంబర్ 21: మానసిక సంబంధిత వైకల్యాలు, రక్తహీనత, బుద్ధి మాంద్యం
* సెప్టెంబర్ 23: ఆర్థోపెడిక్, లోకోమోటర్ వైకల్యాలు
కేటాయించిన తేదీలోనే హాజరు కావాలి
ఆన్లైన్లో దరఖాస్తు చేసుకున్న వారికి కేటాయించిన క్యాంపు తేదీని మొబైల్ ఫోన్ ద్వారా ఇప్పటికే తెలియజేస్తున్నట్లు అధికారులు వెల్లడించారు. అభ్యర్థులు తమకు మెసేజ్ ద్వారా వచ్చిన తేదీని పరిశీలించి, కేటాయించిన తేదీ రోజున మాత్రమే రిమ్స్ ఆసుపత్రికి హాజరు కావాలని సూచించారు.
క్యాంపులో వైద్య పరీక్షలు, అవసరమైన పరిశీలనలు పూర్తిచేసిన అనంతరం UDID ప్రక్రియను పూర్తి చేసి వైకల్య ధ్రువపత్రం జారీకి సంబంధించిన తదుపరి ప్రక్రియ కొనసాగుతుందని అధికారులు తెలిపారు.
అభ్యర్థులు సహకరించాలని విజ్ఞప్తి
తమకు కేటాయించిన తేదీ కాకుండా ఇతర రోజుల్లో హాజరుకావడం వల్ల ప్రక్రియలో ఇబ్బందులు తలెత్తే అవకాశం ఉన్నందున, ప్రతి అభ్యర్థి తనకు కేటాయించిన తేదీ ప్రకారమే శిబిరానికి హాజరై UDID ప్రక్రియను పూర్తి చేసుకోవాలని జిల్లా గ్రామీణాభివృద్ధి సంస్థ అధికారులు కోరారు.
వైకల్య ధ్రువపత్రం కోసం దరఖాస్తు చేసుకున్న వారు తమ మొబైల్కు వచ్చిన క్యాంపు తేదీ సందేశాన్ని జాగ్రత్తగా పరిశీలించి, సంబంధిత తేదీన రిమ్స్ ఆసుపత్రిలో అందుబాటులో ఉండాలని సూచించారు. అర్హులైన అభ్యర్థులకు ధ్రువపత్రాల జారీ ప్రక్రియ సజావుగా జరిగేందుకు సహకరించాలని అధికారులు విజ్ఞప్తి చేశారు.
మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి
ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.
