వన్యప్రాణుల సంరక్షణతో పాటు అటవీ ప్రాంత ప్రజల హక్కులకు ప్రాధాన్యం
పర్యావరణ పరిరక్షణతోపాటు గిరిజనుల జీవనోపాధి, అభివృద్ధి అవసరం: ఎమ్మెల్యే అనిల్ జాదవ్
హైదరాబాద్: మన భారత్ , ఆగస్టు,31 వన్యప్రాణుల సంరక్షణ, అటవీ సంపద పరిరక్షణతో పాటు అటవీ ప్రాంతాల్లో తరతరాలుగా నివసిస్తున్న ప్రజలు, గిరిజనుల హక్కులు, జీవనోపాధి, అభివృద్ధికి సమాన ప్రాధాన్యత ఇవ్వాలని బోథ్ ఎమ్మెల్యే అనిల్ జాదవ్ అన్నారు.
సోమవారం హైదరాబాద్లోని అసెంబ్లీ హాలులో నిర్వహించిన తెలంగాణ శాసనసభ వన్యప్రాణులు, పర్యావరణ కమిటీ ప్రాథమిక సమావేశానికి ఎమ్మెల్యే అనిల్ జాదవ్ హాజరయ్యారు. ఈ సమావేశంలో రాష్ట్రంలోని వన్యప్రాణుల సంరక్షణ, అటవీ సంపద పరిరక్షణ, పర్యావరణ సమతుల్యత, అటవీ ప్రాంతాల్లో నివసిస్తున్న ప్రజలు, గిరిజనులు ఎదుర్కొంటున్న సమస్యలపై విస్తృతంగా చర్చించారు.
ప్రజల హక్కులను కాపాడుతూ పర్యావరణ పరిరక్షణ
వన్యప్రాణులను రక్షించడం ఎంత ముఖ్యమో.. అటవీ ప్రాంతాల్లో ఎన్నో ఏళ్లుగా జీవిస్తున్న స్థానిక ప్రజల హక్కులు, జీవనోపాధి, మౌలిక వసతులు, అభివృద్ధి కూడా అంతే ముఖ్యమని ఎమ్మెల్యే పేర్కొన్నారు. పర్యావరణ పరిరక్షణ చర్యల కారణంగా స్థానిక ప్రజలకు ఇబ్బందులు తలెత్తకుండా అధికారులు చర్యలు తీసుకోవాలని సూచించారు.
అటవీ ప్రాంత ప్రజల సమస్యలను క్షేత్రస్థాయిలో గుర్తించి, వాటికి పరిష్కార మార్గాలను చూపుతూ అభివృద్ధి కార్యక్రమాలను కొనసాగించాల్సిన అవసరం ఉందన్నారు. పర్యావరణాన్ని కాపాడుతూనే ప్రజల జీవన ప్రమాణాలను మెరుగుపరిచే విధంగా ప్రభుత్వ విధానాలు ఉండాలని అభిప్రాయపడ్డారు.
బోథ్ సమస్యలను కమిటీ దృష్టికి
బోథ్ నియోజకవర్గం అటవీ సంపద, వన్యప్రాణులు, గిరిజన జనాభా పరంగా ప్రత్యేక ప్రాధాన్యత కలిగిన ప్రాంతమని అనిల్ జాదవ్ తెలిపారు. నియోజకవర్గంలోని అటవీ ప్రాంతాల్లో ప్రజలు ఎదుర్కొంటున్న పలు సమస్యలను కమిటీ దృష్టికి తీసుకెళ్లి పరిష్కారానికి కృషి చేస్తానని చెప్పారు.
ముఖ్యంగా అటవీ హక్కులు, వన్యప్రాణుల కారణంగా పంటలు, ఆస్తులకు జరుగుతున్న నష్టం, రహదారులు, మౌలిక వసతులు, తాగునీరు, జీవనోపాధి వంటి అంశాలపై ప్రత్యేక దృష్టి సారించాల్సిన అవసరం ఉందన్నారు.
పంట నష్టాలకు పరిష్కారం అవసరం
అటవీ ప్రాంతాల్లో వన్యప్రాణుల సంచారం కారణంగా రైతులు పంట నష్టాలను ఎదుర్కొంటున్న సందర్భాలు ఉన్నాయని, రైతులకు నష్టపరిహారం అందించడంతో పాటు వన్యప్రాణులు, ప్రజల మధ్య ఘర్షణలు తగ్గించే శాశ్వత పరిష్కారాలపై దృష్టి పెట్టాలని ఎమ్మెల్యే సూచించారు. అటవీ ప్రాంతాల్లో నివసించే ప్రజలకు భద్రత కల్పిస్తూ, వన్యప్రాణుల సంరక్షణకు కూడా సమర్థవంతమైన చర్యలు తీసుకోవాల్సిన అవసరం ఉందన్నారు.
అటవీ సంరక్షణ, పర్యావరణ పరిరక్షణ, వన్యప్రాణుల రక్షణతో పాటు స్థానిక ప్రజల సంక్షేమాన్ని సమన్వయం చేస్తూ ముందుకు సాగితేనే స్థిరమైన అభివృద్ధి సాధ్యమవుతుందని ఎమ్మెల్యే అనిల్ జాదవ్ పేర్కొన్నారు.
మీ గొంటిముక్కుల ప్రసాద్ మన భారత్ జిల్లా ఆర్సీ ఇన్చార్జి
ఆదిలాబాద్ జిల్లా స్టాఫ్ రిపోర్టర్ తో పాటు నియోజకవర్గాలకు మండలాల వారీగా విలేకరులు కావలెను ఆసక్తి ఉన్న వారు క్రింద ఉన్న వాట్సాప్ నెంబర్ పై క్లిక్ చేయండి.
