బ్రేకింగ్..ఆర్టీసీ డ్రైవర్ ఆత్మహత్యాయత్నం

మన భారత్, భూపాలపల్లి:

జయశంకర్ భూపాలపల్లి జిల్లాలో మరో ఆర్టీసీ ఉద్యోగి ఆత్మహత్యాయత్నానికి పాల్పడటం కలకలం రేపుతోంది. భూపాలపల్లి ఆర్టీసీ డిపోకు చెందిన డ్రైవర్ రవీందర్ పురుగుల మందు తాగి ఆత్మహత్యాయత్నానికి పాల్పడిన ఘటన వెలుగులోకి వచ్చింది.

సమాచారం అందుకున్న సహచరులు వెంటనే స్పందించి రవీందర్‌ను చికిత్స నిమిత్తం వరంగల్‌లోని ఎంజీఎం ఆసుపత్రికి తరలించారు. ప్రస్తుతం ఆయన పరిస్థితిపై వైద్యులు పర్యవేక్షణ కొనసాగిస్తున్నట్లు తెలిసింది.

ఇటీవల జిల్లాలో ఆర్టీసీ కార్మికులు వరుసగా ఆత్మహత్యాయత్నాలకు పాల్పడటం ఆందోళనకు గురిచేస్తోంది. ఇప్పటికే నలుగురు కార్మికులు ఇలాంటి తీవ్ర చర్యలకు దిగినట్లు సమాచారం. ఈ పరిణామాల వెనుక ఉద్యోగ ఒత్తిడి, వ్యక్తిగత సమస్యలు లేదా ఇతర కారణాలు ఉన్నాయా అనే అంశంపై అధికారులు దర్యాప్తు చేపట్టాల్సిన అవసరం ఉందని అభిప్రాయాలు వ్యక్తమవుతున్నాయి.

ఆర్టీసీ ఉద్యోగ సంఘాలు ఈ ఘటనలపై ఆందోళన వ్యక్తం చేస్తూ, కార్మికుల సమస్యలను గుర్తించి తక్షణ పరిష్కారం చూపాలని ప్రభుత్వాన్ని కోరుతున్నాయి. ఉద్యోగుల మానసిక ఆరోగ్యంపై ప్రత్యేక దృష్టి పెట్టాలని, అవసరమైన సహాయాన్ని అందించాలని డిమాండ్ చేస్తున్నారు.

ఈ ఘటనతో భూపాలపల్లి ప్రాంతంలో ఆందోళన వాతావరణం నెలకొంది.

మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి..