హైడ్రాను తొలగిస్తాం’.. కేసీఆర్ సంచలన వ్యాఖ్యలు

మన భారత్, తెలంగాణ:

బీఆర్ఎస్ అధినేత కే. చంద్రశేఖర్ రావు రాష్ట్ర రాజకీయాల్లో మరోసారి సంచలన వ్యాఖ్యలు చేశారు. హైదరాబాద్ నగర అభివృద్ధి పేరిట జరుగుతున్న చర్యలపై ఆయన తీవ్ర విమర్శలు గుప్పించారు.

హైదరాబాద్‌ను నాశనం చేస్తున్నారని ఆరోపిస్తూ, “పనికిమాలిన హైడ్రాను తొలగించాల్సిన అవసరం ఉంది” అని పేర్కొన్నారు. ముఖ్యంగా మూసీ నది అభివృద్ధి పేరుతో భూములను కబ్జా చేసే ప్రయత్నాలు జరుగుతున్నాయని ఆయన ఆరోపించారు. నగర అభివృద్ధి నిజంగా ప్రజల ప్రయోజనాల కోసం ఉండాలని, భూముల ఆక్రమణలకు మార్గం కాకూడదని అన్నారు.

బీఆర్ఎస్ మళ్లీ అధికారంలోకి వస్తే హైడ్రాను పూర్తిగా తొలగించి, మూసీ నది పునరుద్ధరణకు ప్రాధాన్యం ఇస్తామని స్పష్టం చేశారు. నగర అభివృద్ధి ప్రణాళికలు పారదర్శకంగా ఉండాలని, ప్రజల ఆస్తులను రక్షించే విధంగా ఉండాలని ఆయన అభిప్రాయపడ్డారు.

ఈ వ్యాఖ్యలు రాష్ట్ర రాజకీయాల్లో చర్చనీయాంశంగా మారాయి. హైడ్రా వ్యవస్థ, మూసీ నది అభివృద్ధి అంశాలపై రాజకీయ వర్గాల్లో విభిన్న అభిప్రాయాలు వ్యక్తమవుతున్నాయి.

మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి..