కాలికామాతకు ప్రత్యేక పూజలు చేసిన ఎమ్మెల్యే

నవరాత్రి వేళ బేల కాళీమాత ఆలయంలో ఎమ్మెల్యే పాయల్ శంకర్ ప్రత్యేక పూజలు

నవరాత్రి వేళ బేల కాళీమాత ఆలయంలో ఎమ్మెల్యే పాయల్ శంకర్ ప్రత్యేక పూజలు

భారతీయ సంస్కృతి, సంప్రదాయాలు, ఆధ్యాత్మిక విలువలే దేశానికి బలం: ఎమ్మెల్యే పాయల్ శంకర్

మన భారత్, బేల: అక్టోబర్ 14,నవరాత్రి పర్వదినాలను పురస్కరించుకొని ఆదిలాబాద్ ఎమ్మెల్యే పాయల్ శంకర్ బుధవారం బేల మండలంలోని ప్రసిద్ధ కాళీమాత ఆలయాన్ని సందర్శించి అమ్మవారికి ప్రత్యేక పూజలు నిర్వహించారు. ఈ సందర్భంగా అమ్మవారిని దర్శించుకుని ప్రజలందరూ సుఖసంతోషాలతో, ఆయురారోగ్యాలతో, సిరిసంపదలతో వర్ధిల్లాలని ప్రార్థించారు. నవరాత్రి ఉత్సవాల సందర్భంగా ఆలయంలో భక్తిశ్రద్ధలతో పూజలు నిర్వహించారు.

భారతీయ సంస్కృతి, సంప్రదాయాలను భావితరాలకు అందించాలి

ఈ సందర్భంగా ఎమ్మెల్యే పాయల్ శంకర్ మాట్లాడుతూ.. భారతదేశ గొప్ప సంస్కృతి, సంప్రదాయాలు, ఆధ్యాత్మిక జీవన విధానాలను ప్రపంచ దేశాలు ఎంతో ఆసక్తిగా గమనిస్తున్నాయని తెలిపారు. వేల సంవత్సరాల చరిత్ర కలిగిన సనాతన ధర్మం, మన ఆచార వ్యవహారాలు, ఆధ్యాత్మిక విలువలు సమాజంలో ఐక్యతను, ధైర్యాన్ని, మానవీయతను పెంపొందించడంలో కీలక పాత్ర పోషిస్తున్నాయని పేర్కొన్నారు.

భారతీయ సంస్కృతి, సంప్రదాయాలు మన దేశానికి ప్రత్యేక గుర్తింపును తీసుకొస్తున్నాయని, వాటిని కాపాడుకోవడంతో పాటు భావితరాలకు అందించడం ప్రతి ఒక్కరి బాధ్యత అని అన్నారు. నవరాత్రుల వంటి పండుగలు భక్తిభావాన్ని పెంపొందించడంతో పాటు ప్రజల మధ్య ఐక్యత, సోదరభావాన్ని బలోపేతం చేస్తాయని పేర్కొన్నారు.

అభివృద్ధి దిశగా ఆదిలాబాద్ జిల్లా

ఆదిలాబాద్ జిల్లా అభివృద్ధి పథంలో ముందుకు సాగుతోందని ఎమ్మెల్యే పాయల్ శంకర్ ఆశాభావం వ్యక్తం చేశారు. రాబోయే రోజుల్లో విమానాశ్రయం, పారిశ్రామిక పార్కుల ఏర్పాటు వంటి ప్రతిపాదిత అభివృద్ధి కార్యక్రమాలు కార్యరూపం దాలిస్తే జిల్లాకు కొత్త అవకాశాలు అందుబాటులోకి వస్తాయని తెలిపారు.

ఈ అభివృద్ధి కార్యక్రమాల ద్వారా యువతకు ఉపాధి అవకాశాలు పెరగడంతో పాటు స్థానికంగా పరిశ్రమల అభివృద్ధికి మార్గం సుగమమవుతుందని, జిల్లా ఆర్థిక పురోగతికి మరింత ఊతం లభిస్తుందని పేర్కొన్నారు. ఆదిలాబాద్ జిల్లా సమగ్ర అభివృద్ధికి అవసరమైన చర్యలు ముందుకు సాగాలని ఆకాంక్షించారు.

వచ్చే ఏడాది కాళీమాత ఆలయ పునర్నిర్మాణానికి కృషి

బేల మండలంలోని కాళీమాత ఆలయానికి ప్రత్యేక ఆధ్యాత్మిక ప్రాధాన్యత ఉందని పేర్కొన్న ఎమ్మెల్యే, ఆలయ పునర్నిర్మాణ పనులను వచ్చే ఏడాదిలో చేపట్టేలా కృషి చేయాల్సిన అవసరం ఉందన్నారు. ఈ పవిత్ర కార్యానికి తన వంతు పూర్తి సహకారం అందిస్తానని హామీ ఇచ్చారు.

ఆలయ అభివృద్ధి, పునర్నిర్మాణం కోసం భక్తులు, స్థానిక ప్రజలు ముందుకు రావాలని, అందరి భాగస్వామ్యంతో ఆలయాన్ని మరింత అభివృద్ధి చేసేందుకు కృషి చేయాలని పిలుపునిచ్చారు. ప్రజల సహకారంతో ఆలయ అభివృద్ధి పనులను విజయవంతంగా ముందుకు తీసుకెళ్లవచ్చని తెలిపారు.

ఈ కార్యక్రమంలో బేల మండల నాయకులు కృష్ణ, దత్త, సందీప్, మురళీధర్, రాము, నవీన్, మహేష్ తదితరులు పాల్గొన్నారు.

Cell Number : cell_number : 9573391945

User Name : user_name : Gontimukkula prasad