అల్పపీడనం.. 24 నుంచి కోస్తా, రాయలసీమలో భారీ వర్షాలు

అమరావతి, నవంబర్‌ 15: రాష్ట్రంలో మరికొన్ని రోజుల్లో వర్షాలు విరళంగా కురిసే అవకాశం ఉందని ఆంధ్ర‌ప్ర‌దేశ్ రాష్ట్ర విపత్తు నిర్వహణ సంస్థ (APSDMA) సూచించింది. ఈ నెల 19నాటికి అండమాన్ ప్రాంతంపై ఉపరితల ఆవర్తనం ఏర్పడే అవకాశాలు ఉన్నట్లు వెల్లడించింది. దీని ప్రభావంతో నవంబర్‌ 21 నాటికి బంగాళాఖాతంలో అల్పపీడనం రూపుదిద్దుకునే అవకాశం ఉందని అంచనా వేసింది.

అల్పపీడనం బలపడే కొద్దీ తూర్పు గాలులు వేగం పెరగనున్నాయి. దీని ఫలితంగా నవంబర్‌ 24 నుంచి 27 వరకు కోస్తా, రాయలసీమ జిల్లాల్లో మోస్తరు నుంచి భారీ వర్షాలు కురిసే అవకాశం ఉందని అధికారులు తెలిపారు. ముఖ్యంగా విశాఖపట్నం, తూర్పుగోదావరి, కృష్ణా, నెల్లూరు, ప్రకాశం, చిత్తూరు, అనంతపురం, కడప జిల్లాల్లో ప్రభావం అధికంగా ఉండవచ్చని పేర్కొన్నారు.

ఇప్పటికే పండుతున్న పంటలకు వర్షాల ప్రభావం పడే అవకాశం ఉండడంతో రైతులు ముందస్తు చర్యలు తీసుకోవాలని APSDMA సూచించింది. వరి కాపుల నీరు నిల్వ ఉండకుండా కాలువలను శుభ్రం చేసుకోవాలని, కోతకు సిద్ధమైన పంటను రక్షించే చర్యలు చేపట్టాలని సూచించింది. తీర ప్రాంత మత్స్యకారులు సముద్రంలోకి వెళ్లే విషయంలో అప్రమత్తంగా ఉండాలని హెచ్చరించింది.

Low Pressure, Heavy Rains Forecast, Andhra Pradesh Weather Alert, APSDMA Update