మన భారత్, తెలంగాణ:
నాలుగేళ్ల క్రితం విడుదలై ప్రేక్షకుల హృదయాలను దోచుకున్న క్లాసిక్ హిట్ ‘సీతారామం’ సినిమా కాంబినేషన్ మరోసారి తెరపైకి రాబోతోందా అనే చర్చ సినీ వర్గాల్లో జోరుగా సాగుతోంది. ఈ చిత్రంలో ప్రధాన పాత్రలు పోషించిన దుల్కర్ సల్మాన్, మృణాల్ ఠాకూర్ తాజాగా వర్షంలో ఒకే గొడుగు కింద ఉన్న ఫోటో సోషల్ మీడియాలో వైరల్ కావడంతో అభిమానుల్లో ఆసక్తి పెరిగింది.
ఈ ఫోటో చూసిన పలువురు అభిమానులు ‘సీతారామం’కి సీక్వెల్ రాబోతోందేమోనని ఊహాగానాలు మొదలుపెట్టారు. ఇప్పటికే భావోద్వేగ ప్రేమకథగా ప్రేక్షకుల మనసుల్లో చెరగని ముద్ర వేసిన ఈ సినిమా కాంబినేషన్ మళ్లీ కనిపించడమే ఈ ప్రచారానికి బలాన్నిచ్చింది.
అయితే, గతంలో దుల్కర్ సల్మాన్ ఇచ్చిన ఓ ఇంటర్వ్యూలో ‘సీతారామం’ వంటి క్లాసిక్ సినిమాలకు కొనసాగింపు ఉండదని, అలాంటి చిత్రాలు ప్రేక్షకుల హృదయాల్లో శాశ్వతంగా నిలిచిపోతాయని వ్యాఖ్యానించారు. ఈ నేపథ్యంలో తాజాగా వైరల్ అయిన ఫోటో కొత్త సినిమా షూటింగ్కు సంబంధించినదా? లేక కేవలం యాదృచ్ఛికంగా తీసినదా? అన్న విషయంపై ఇంకా స్పష్టత రావాల్సి ఉంది.
ఏదేమైనా, ‘సీతారామం’ కాంబినేషన్ మళ్లీ తెరపై కనిపిస్తే చూడాలని అభిమానులు ఆశాభావంతో ఎదురుచూస్తున్నారు.
