దారుణం… గర్భిణికి నిప్పంటించిన భర్త.!

కేరళలో దారుణం… గర్భిణిని నిప్పంటించిన భర్త!

మన భారత్ – క్రైమ్ డెస్క్,

కేరళ, మట్టుమల: రాష్ట్రాన్ని విషాదంలో ముంచెత్తిన ఘోర ఘటన మట్టుమల ప్రాంతంలో వెలుగులోకి వచ్చింది. గర్భిణి మహిళ అర్చన మృతిపై మొదట ఆత్మహత్యగా అనుమానించిన పోలీసులు, దర్యాప్తు తర్వాత ఇది హత్యేనని తేల్చారు. కట్న వేధింపులు, ఇళ్లలో జరుగుతున్న హింస ఈ భయానక పరిణామానికి దారితీసిందని అర్చన కుటుంబ సభ్యులు ఆరోపిస్తున్నారు.

అర్చన మరణంపై ఆమె భర్త షారన్, అత్త రజిని, మరో కుటుంబ సభ్యుడిపై కేసు నమోదైంది. తొలుత అర్చన (గర్భవతి) ఆత్మహత్య చేసుకుందనే అభిప్రాయం వ్యక్తమైనా, పోలీసుల దర్యాప్తులో ఆమెను భర్త షారన్ తగలబెట్టినట్లు స్పష్టమైన ఆధారాలు లభించాయి. వెంటనే పోలీసులు షారన్ను అదుపులోకి తీసుకున్నారు.

కట్నం కోసం కొనసాగుతున్న వేధింపులు అర్చన జీవితాన్ని నాశనం చేశాయని ఆమె కుటుంబ సభ్యులు కన్నీరుమున్నీరు కారుస్తున్నారు. అత్తింటి వేధింపులకే అర్చన బలైందని వారు ఆరోపించారు. కేసు పూర్తిస్థాయిలో దర్యాప్తు జరుగుతోందని పోలీసులు తెలిపారు. ఘటనపై స్థానికంగా తీవ్ర ఆగ్రహం వ్యక్తమవుతోంది.