అన్నయ్య ప్రోత్సాహం .. తల్లిదండ్రుల ఆశీర్వాదం…
ఆర్మీలో అసిస్టెంట్ నర్సింగ్ ఉద్యోగం సాధించిన వంశీ వర్ధన్
మన భారత్, తాంసి: కష్టపడితే సాధ్యం కానిది ఏమీ లేదని మరోసారి నిరూపించాడు తాంసి మండలం కప్పర్ల గ్రామానికి చెందిన యువకుడు మాధగారి వంశీ వర్ధన్ గౌడ్.
కుటుంబ ప్రోత్సాహం, స్వీయ పట్టుదల, నిరుత్సాహాన్ని జయించే జిజ్ఞాస—ఇవన్నీ కలిసి అతడిని ఆర్మీ ఉద్యోగం వరకు తీసుకెళ్లాయి. తాజాగా ప్రకటించిన ఫలితాల్లో వంశీ వర్ధన్ ఆర్మీలో అసిస్టెంట్ నర్సింగ్ ఉద్యోగానికి ఎంపికై గ్రామం పేరు గర్వంగా నిలిపాడు.
“విఫలమైనా పట్టు విడవలేదు”.. వంశీ వర్ధన్
ఆదిలాబాద్ జిల్లా తాంసి మండలంలోని కప్పర్ల గ్రామంలో పాల వ్యాపారంతో కుటుంబాన్ని పోషిస్తున్న రమేష్ గౌడ్–వనిత దంపతులకు ఇద్దరు కుమారులు. పెద్ద కుమారుడు వంశీ గ్రూప్–2, ఎస్సై పరీక్షలకు ట్రై చేస్తున్నాడు. అయితే చిన్న కుమారుడు వంశీ వర్ధన్ మాత్రం మొదటి ప్రయత్నంలో వెనకడుగు వేసి మరో మారు తన సత్తాను చూపించాడు.
మొదటి ఎగ్జామ్లో మెడికల్ ఫిట్ అయినప్పటికీ మెరిట్ లిస్ట్లో పేరు రాకపోవడంతో నిరుత్సాహం ఏర్పడినా… అన్నయ్య రాజేష్ ప్రోత్సాహం అతడికి కొత్త ధైర్యం ఇచ్చింది.
📚 “కోచింగ్ లేకుండానే… ఆన్లైన్ క్లాసులతో”
తప్పులను విశ్లేషించి, మరింత కష్టపడి సిద్ధమై… కోచింగ్ ఇన్స్టిట్యూట్ లేకుండానే పూర్తిగా ఆన్లైన్ క్లాసులను ఆధారంగా చేసుకొని మరోసారి ప్రయత్నం చేశాడు. ఈసారి ఫలితం తన వైపే నిలిచింది.
కప్పర్ల గ్రామ గ్రంథాలయం తన సాధనకు ఎంతో తోడ్పడిందని వంశీ వర్ధన్ తెలిపారు.
🇮🇳 “దేశసేవకు అవకాశం రావడం గర్వంగా ఉంది”
ఆర్మీలో అసిస్టెంట్ నర్సింగ్ ఉద్యోగం రావడం తన కల నెరవేరినట్టే అనిపిస్తోందని, దేశ సేవ చేసేందుకు అవకాశం దక్కినందుకు గర్విస్తున్నానని వంశీ వర్ధన్ ఆనందం వ్యక్తం చేశారు.
