మన భారత్ | తలమడుగు
కొత్తూరులో డ్రైనేజీ సమస్య తీవ్రం.. కొత్త నాళాలు నిర్మించాలని గ్రామస్తుల డిమాండ్
తలమడుగు, జూలై 19: తలమడుగు మండల కేంద్రంలోని కొత్తూరు గ్రామంలో డ్రైనేజీ సమస్య రోజురోజుకూ తీవ్రమవుతోందని గ్రామస్తులు ఆవేదన వ్యక్తం చేస్తున్నారు. ప్రస్తుతం ఉన్న తక్కువ ఎత్తులో నిర్మించిన నాళాల (లో లెవల్ డ్రైనేజీ) కారణంగా స్వల్ప వర్షానికే మురుగునీరు ఇళ్లలోకి చేరుతుండటంతో ప్రజలు తీవ్ర ఇబ్బందులు ఎదుర్కొంటున్నట్లు తెలిపారు.
గ్రామస్తుల కథనం ప్రకారం, వర్షాకాలంలో డ్రైనేజీ నీరు సరిగా వెళ్లక ఇళ్ల పరిసరాలు నీటితో నిండిపోతున్నాయని, భారీ వర్షాలు కురిసినప్పుడు పరిస్థితి మరింత ప్రమాదకరంగా మారుతోందన్నారు. మురుగునీటి ద్వారా పాములు, తేళ్లు వంటి విషసర్పాలు ఇళ్లలోకి వస్తుండటంతో చిన్నారులు, వృద్ధులు, మహిళలు భయాందోళనకు గురవుతున్నారని పేర్కొన్నారు.
గ్రామంలో ఉన్న పాత డ్రైనేజీ వ్యవస్థ సరిపోకపోవడంతో ప్రతి వర్షాకాలంలో ఇదే సమస్య పునరావృతమవుతోందని, ప్రజారోగ్యానికి కూడా ముప్పుగా మారుతోందని గ్రామస్థులు ఆందోళన వ్యక్తం చేశారు. శాశ్వత పరిష్కారం కోసం ఆధునిక ప్రమాణాలతో కొత్త డ్రైనేజీ నాళాలు నిర్మించాలని వారు డిమాండ్ చేశారు.
ఈ సమస్యపై పలుమార్లు గ్రామ సర్పంచ్ *జలరపు చంద్రశేఖర్* దృష్టికి తీసుకెళ్లినా ఇప్పటివరకు ఎలాంటి చర్యలు కనిపించడం లేదని గ్రామస్తులు ఆరోపించారు. వెంటనే సంబంధిత అధికారులు, ప్రజాప్రతినిధులు గ్రామాన్ని సందర్శించి పరిస్థితిని పరిశీలించి కొత్త డ్రైనేజీ వ్యవస్థ నిర్మాణానికి చర్యలు చేపట్టాలని కోరారు.
డ్రైనేజీ సమస్య పరిష్కారమైతే గ్రామంలో వర్షపు నీటి నిల్వలు తగ్గడంతో పాటు ప్రజలకు ఆరోగ్యపరమైన ఇబ్బందులు కూడా తగ్గుతాయని స్థానికులు అభిప్రాయపడ్డారు.
ఈ సందర్భంగా వార్డ్ సభ్యుడు వెంకట్, శంకర్, ఉమాకాంత్, మహేందర్, కురుమ ఉషన్న, ప్రమోద్, రాములు తదితరులు గ్రామస్తులతో కలిసి సమస్యను అధికారుల దృష్టికి తీసుకెళ్లాలని విజ్ఞప్తి చేశారు.
మీ గొంటి ముక్కుల ప్రసాద్ రిపోర్టర్ మన భారత్ ఆదిలాబాద్ ఆర్సీ ఇన్చార్జి
