నారాయణపేట: జిల్లా ఆర్ట్ క్రాఫ్ట్ PETల సమావేశం శనివారం సఖ్యతభరిత వాతావరణంలో నిర్వహించారు. ఈ సమావేశంలో జిల్లాలోని వివిధ పాఠశాలలకు చెందిన ఆర్ట్ క్రాఫ్ట్ PETలు పాల్గొని కీలక అంశాలపై చర్చించారు.

ఈ సందర్భంగా జిల్లా స్థాయి నాయకత్వాన్ని బలోపేతం చేయాలనే ఉద్దేశంతో జిల్లా కన్వీనర్ ఎంపికపై ఏకాభిప్రాయం కుదిరింది. అందరి అంగీకారంతో, సమక్షంలోనే ZPHS ధన్వాడకు చెందిన నారాయణ చారిని నారాయణపేట జిల్లా ఆర్ట్ క్రాఫ్ట్ PETల జిల్లా కన్వీనర్‌గా ఏకగ్రీవంగా ఎన్నుకున్నారు.

నూతనంగా ఎన్నికైన జిల్లా కన్వీనర్ నారాయణ చారి మాట్లాడుతూ, తనపై ఉంచిన నమ్మకానికి కృతజ్ఞతలు తెలిపారు. ఆర్ట్ క్రాఫ్ట్ విద్య ప్రాధాన్యతను విద్యార్థుల్లో పెంపొందించడంతో పాటు, ఉపాధ్యాయుల సమస్యల పరిష్కారానికి కృషి చేస్తానని అన్నారు. జిల్లాలోని అన్ని పాఠశాలల PETలను సమన్వయం చేసుకుంటూ, కళా విద్యాభివృద్ధికి ప్రణాళికాబద్ధంగా పనిచేస్తానని హామీ ఇచ్చారు.

ఈ సమావేశంలో పలువురు ఆర్ట్ క్రాఫ్ట్ పీఈటీలు నారాయణ చారికి శుభాకాంక్షలు తెలుపుతూ, ఆయన నాయకత్వంలో సంఘం మరింత బలోపేతం అవుతుందని ఆశాభావం వ్యక్తం చేశారు.