మన భారత్, బీంపూర్:
భీంపూర్ మండల కేంద్రంలోని కస్తూర్బా గాంధీ బాలికా విద్యాలయం (కేజీబీవీ)లో ప్రహరీ గోడ నిర్మాణానికి శుభారంభం జరిగింది. బోథ్ ఎమ్మెల్యే అనిల్ జాదవ్ ముఖ్య అతిథిగా హాజరై రూ.60 లక్షల వ్యయంతో నిర్మించనున్న కాంపౌండ్ వాల్‌కు భూమిపూజ నిర్వహించారు.

ఈ సందర్భంగా ఎమ్మెల్యే అనిల్ జాదవ్ మాట్లాడుతూ, విద్యార్థినుల భద్రతను దృష్టిలో ఉంచుకుని ప్రహరీ గోడ నిర్మాణం చేపడుతున్నామని తెలిపారు. పాఠశాల పరిసరాల్లో అనవసరంగా ఎవరూ ప్రవేశించకుండా ఉండేందుకు, విద్యార్థినులు ప్రశాంత వాతావరణంలో విద్యను అభ్యసించేందుకు ఈ నిర్మాణం దోహదపడుతుందని అన్నారు.

ప్రభుత్వం బాలికల విద్యాభివృద్ధికి ప్రాధాన్యత ఇస్తోందని, కేజీబీవీ పాఠశాలల అభివృద్ధికి అవసరమైన మౌలిక వసతులను కల్పించేందుకు కట్టుబడి ఉందని ఆయన పేర్కొన్నారు. ప్రహరీ గోడ నిర్మాణంతో పాఠశాల భద్రత మరింత బలోపేతం అవుతుందని అభిప్రాయపడ్డారు.

స్థానిక నాయకులు మాట్లాడుతూ, ఈ ప్రాజెక్టు ద్వారా పాఠశాలలో చదువుతున్న బాలికలకు మరింత రక్షణ లభిస్తుందని, తల్లిదండ్రుల్లో నమ్మకం పెరుగుతుందని తెలిపారు. విద్యార్థుల సంక్షేమం కోసం ఇలాంటి కార్యక్రమాలు అవసరమని పేర్కొన్నారు.

ఈ కార్యక్రమంలో నాయకులు కేమ శ్రీకాంత్, పార్టీ కార్యకర్తలు, పాఠశాల సిబ్బంది తదితరులు పాల్గొన్నారు. నిర్మాణ పనులను త్వరితగతిన పూర్తి చేసి విద్యార్థులకు అందుబాటులోకి తీసుకురావాలని అధికారులు లక్ష్యంగా పెట్టుకున్నారు.

మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి..