ఆదిలాబాద్ 31వ వార్డు కౌన్సిలర్ గా కాంగ్రెస్ అభ్యర్థి షేక్ హీన విజయం

మన భారత్, ఆదిలాబాద్:

ఆదిలాబాద్ పట్టణంలోని 31వ వార్డు కౌన్సిలర్ స్థానానికి జరిగిన ఎన్నికల్లో కాంగ్రెస్ పార్టీ అభ్యర్థి షేక్ హీన  మెజార్టీతో విజయం సాధించారు. అధికారిక లెక్కల ప్రకారం షేక్ హీనకు 972 ఓట్లు పోలవ్వగా, బీఆర్ఎస్ అభ్యర్థి షేక్ జులేఖ బేగంకు 957 ఓట్లు లభించాయి. దీంతో కేవలం 15 ఓట్ల తేడాతో షేక్ హీన విజేతగా నిలిచినట్లు ఎన్నికల అధికారులు ప్రకటించారు.

31వ వార్డులో జరిగిన ఈ పోటీ ఉత్కంఠభరితంగా సాగింది. ప్రతి రౌండ్‌లోనూ ఫలితం మారుతూ ఆసక్తిని రేకెత్తించగా, తుది లెక్కింపులో షేక్ హీన ఆధిక్యం సాధించడం విశేషంగా మారింది. ఫలితాలు వెలువడగానే కాంగ్రెస్ శ్రేణులు ఆనందం వ్యక్తం చేశాయి.

ప్రజలు తనపై ఉంచిన విశ్వాసాన్ని నిలబెట్టుకుంటూ వార్డు అభివృద్ధికి కృషి చేస్తానని షేక్ హీన తెలిపారు. ముఖ్యంగా పారిశుధ్యం, తాగునీటి సదుపాయాలు, అంతర్గత రహదారుల అభివృద్ధి, మహిళల సంక్షేమంపై ప్రత్యేక దృష్టి సారిస్తానని హామీ ఇచ్చారు.

ప్రశాంత వాతావరణంలో ఎన్నికల లెక్కింపు ప్రక్రియ పూర్తవడంతో అధికారులు సంతృప్తి వ్యక్తం చేశారు. 31వ వార్డు ఫలితం స్థానిక రాజకీయాల్లో చర్చనీయాంశంగా మారింది.