టీజీఎస్ఆర్టీసీలో 198 పోస్టులు..
– డిసెంబర్ 30 నుంచి దరఖాస్తుల స్వీకరణ
మన భారత్, తెలంగాణ:
రాష్ట్ర రోడ్డు రవాణా సంస్థ టీజీఎస్ఆర్టీసీలో ఉద్యోగాల భర్తీకి ఈ నెల డిసెంబర్ 30 నుంచి దరఖాస్తుల స్వీకరణ ప్రారంభమవుతుందని తెలంగాణ పోలీసు నియామక మండలి సంచాలకులు వి.వి. శ్రీనివాసరావు ఒక ప్రకటనలో తెలిపారు.
టీజీఎస్ఆర్టీసీలో 84 ట్రాఫిక్ సూపర్వైజర్ ట్రైనీ, 114 మెకానికల్ సూపర్వైజర్ ట్రైనీ పోస్టులతో కలిపి మొత్తం 198 ఖాళీలకు ఇటీవల నోటిఫికేషన్ విడుదల చేసినట్లు ఆయన వివరించారు.
ఆసక్తి గల అభ్యర్థులు డిసెంబర్ 30 ఉదయం 8 గంటల నుంచి 2026 జనవరి 20 సాయంత్రం 5 గంటల వరకు ఆన్లైన్ ద్వారా దరఖాస్తు చేసుకోవచ్చని తెలిపారు. దరఖాస్తులు [www.tgprb.in](http://www.tgprb.in) వెబ్సైట్లో మాత్రమే స్వీకరిస్తామని స్పష్టం చేశారు.
ఈ పోస్టులకు సంబంధించిన అర్హతలు, ఎంపిక విధానం, వయోపరిమితి, ఫీజు వివరాలు తదితర పూర్తి సమాచారం అదే వెబ్సైట్లో అందుబాటులో ఉందని పేర్కొన్నారు. అభ్యర్థులు నోటిఫికేషన్ను జాగ్రత్తగా చదివి దరఖాస్తు చేసుకోవాలని సూచించారు.
ఈ నియామక ప్రక్రియ ద్వారా టీజీఎస్ఆర్టీసీ సేవలను మరింత పటిష్టం చేయడమే లక్ష్యంగా ప్రభుత్వం చర్యలు తీసుకుంటోందని అధికారులు తెలిపారు.