ఆదిలాబాద్లో ఇంచార్జి మంత్రి జూపల్లి కృష్ణారావు పర్యటన
– రిమ్స్లో క్రిటికల్ కేర్ యూనిట్ ప్రారంభం
మన భారత్, ఆదిలాబాద్: ఆదిలాబాద్ జిల్లా ఇంచార్జి, రాష్ట్ర ఎక్సైజ్ శాఖ మంత్రి జూపల్లి కృష్ణారావు ఆదిలాబాద్ జిల్లాలో పర్యటిస్తున్నారు. ఈ సందర్భంగా జిల్లా కేంద్రంలోని రాజీవ్ ఇన్స్టిట్యూట్ ఆఫ్ మెడికల్ సైన్సెస్ (రిమ్స్)లో నూతనంగా ఏర్పాటు చేసిన 50 పడకల క్రిటికల్ కేర్ యూనిట్ (CCU)ను మంత్రి ప్రారంభోత్సవం చేయనున్నారు.
రిమ్స్లో అత్యాధునిక సౌకర్యాలతో ఏర్పాటు చేసిన ఈ క్రిటికల్ కేర్ యూనిట్ ప్రారంభంతో ఆదిలాబాద్ జిల్లా ప్రజలకు మెరుగైన వైద్య సేవలు అందుబాటులోకి రానున్నాయని వైద్య వర్గాలు పేర్కొంటున్నాయి. అత్యవసర చికిత్స అవసరమైన రోగులకు ఈ యూనిట్ ఎంతో ఉపయోగకరంగా నిలవనుందని, జిల్లా వైద్య మౌలిక సదుపాయాలు మరింత బలోపేతం కానున్నాయని తెలిపారు.
అనంతరం మంత్రి జూపల్లి కృష్ణారావు స్థానికంగా ఉన్న ఒక ప్రైవేట్ ఫంక్షన్ హాల్లో నిర్వహించే పంచాయతీ ఎన్నికల్లో గెలుపొందిన సర్పంచుల సన్మాన కార్యక్రమంలో పాల్గొననున్నారు. ఈ కార్యక్రమంలో ప్రజాప్రతినిధులు, పార్టీ నాయకులు, కార్యకర్తలు పాల్గొని నూతనంగా ఎన్నికైన సర్పంచులకు శుభాకాంక్షలు తెలియజేయనున్నారు.
జిల్లా పర్యటన సందర్భంగా అభివృద్ధి కార్యక్రమాల పురోగతిపై సమీక్ష నిర్వహించడంతో పాటు, ప్రజల సమస్యలను తెలుసుకునే అవకాశముందని కాంగ్రెస్ వర్గాలు తెలిపాయి. ఈ పర్యటన ఆదిలాబాద్ జిల్లా అభివృద్ధికి మరింత ఊతమిస్తుందని స్థానికులు ఆశాభావం వ్యక్తం చేస్తున్నారు.
