మన భారత్, ఆదిలాబాద్:

ఆదిలాబాద్ మున్సిపాలిటీలో 39వ వార్డులో స్వతంత్ర అభ్యర్థి శాలిని విజయం సాధించారు. కౌంటింగ్ పూర్తైన అనంతరం ఎన్నికల అధికారులు అధికారికంగా ఫలితాన్ని ప్రకటించారు.

వివరాల ప్రకారం శాలినికి మొత్తం 912 ఓట్లు పోలవ్వగా, బీజేపీ అభ్యర్థి రేణుకకు 260 ఓట్లు లభించాయి. దీంతో 697 ఓట్ల భారీ మెజారిటీతో శాలిని గెలుపొందారు. ప్రారంభ రౌండ్ల నుంచే స్పష్టమైన ఆధిక్యంలో కొనసాగిన శాలిని చివరికి ఘన విజయం నమోదు చేశారు.

ఫలితం వెలువడగానే అనుచరులు ఆనందోత్సాహాలు వ్యక్తం చేశారు. ప్రజలు ఇచ్చిన మద్దతుకు కృతజ్ఞతలు తెలుపుతూ, వార్డు అభివృద్ధి కోసం కృషి చేస్తానని విజేత అభ్యర్థి తెలిపారు. స్థానిక సమస్యల పరిష్కారం, మౌలిక వసతుల మెరుగుదలపై దృష్టి సారిస్తానన్నారు.

మున్సిపల్ ఎన్నికల నేపథ్యంలో 39వ వార్డు ఫలితం ప్రత్యేకంగా నిలిచింది. స్వతంత్ర అభ్యర్థి భారీ మెజారిటీతో గెలవడం రాజకీయ వర్గాల్లో చర్చకు దారితీసింది.