మన భారత్, కరీంనగర్:
కరీంనగర్ జిల్లాలో ఆర్టీసీ బస్సు ప్రమాదానికి గురైన ఘటన కలకలం రేపింది. కోతి రాంపూర్ బైపాస్ వద్ద అదుపుతప్పిన ఆర్టీసీ బస్సు ఎదురుగా వస్తున్న లారీని ఢీకొట్టింది. ఈ ప్రమాదంలో బస్సు ముందు భాగం పూర్తిగా ధ్వంసమవగా, పలువురు ప్రయాణికులు గాయాలపాలయ్యారు.
ప్రమాదం జరిగిన వెంటనే స్థానికులు, పోలీసులు ఘటనాస్థలానికి చేరుకుని గాయపడిన వారిని సమీప ఆసుపత్రులకు తరలించారు. గాయపడిన వారిలో కొందరి పరిస్థితి విషమంగా ఉన్నట్లు సమాచారం. ప్రమాదం కారణంగా కొంతసేపు రహదారిపై రాకపోకలు నిలిచిపోయాయి.
ఈ ఘటనపై ప్రయాణికులు తీవ్ర ఆగ్రహం వ్యక్తం చేశారు. ఆర్టీసీ కార్మికుల సమ్మె నేపథ్యంలో ప్రభుత్వం అనుభవం లేని డ్రైవర్లతో బస్సులు నడిపిస్తోందని, అదే ఈ ప్రమాదానికి కారణమని ఆరోపించారు. ప్రయాణికుల భద్రతపై నిర్లక్ష్యం వహించడాన్ని వారు తీవ్రంగా ఖండించారు.
ప్రస్తుతం పరిస్థితుల్లో తాత్కాలికంగా నియమించిన డ్రైవర్లకు సరైన శిక్షణ లేకపోవడం ప్రమాదాలకు దారితీస్తోందని స్థానికులు అభిప్రాయపడ్డారు. ప్రభుత్వంపై బాధ్యతాయుత చర్యలు తీసుకోవాలని డిమాండ్ చేశారు.
ఈ ఘటనపై కేసు నమోదు చేసి పోలీసులు దర్యాప్తు చేపట్టారు. ప్రమాదానికి గల అసలు కారణాలపై విచారణ కొనసాగుతోందని తెలిపారు. ఇటువంటి ఘటనలు పునరావృతం కాకుండా చర్యలు తీసుకోవాలని ప్రజలు కోరుతున్నారు.
మీ చుట్టుపక్కల వార్తలు పంపేందుకు క్రింద ఉన్న వాట్సాప్ నెంబర్ పై క్లిక్ చేయండి..
