మన భారత్, అచ్చంపేట:
తెలంగాణ వ్యవసాయ కార్మిక సంఘం ఆధ్వర్యంలో అచ్చంపేట పట్టణంలోని టీఎన్జీవో భవనంలో మండల మహాసభ ఘనంగా నిర్వహించారు. ఈ సందర్భంగా మహా విప్లవ యోధుడు Bhagat Singh 95వ వర్ధంతిని పురస్కరించుకుని ఆయనకు నివాళులు అర్పించారు.
ఈ కార్యక్రమంలో సంఘం జిల్లా ఉపాధ్యక్షులు వర్ధం సైదులు భగత్ సింగ్ చిత్రపటానికి పూలమాల వేసి ఘనంగా నివాళులర్పించారు. అనంతరం మాట్లాడుతూ, భగత్ సింగ్ చిన్న వయసులోనే దేశ స్వాతంత్ర్యం కోసం ప్రాణాలను అర్పించిన ధైర్యవంతుడని కొనియాడారు. దేశభక్తి, త్యాగానికి ఆయన నిలువెత్తు ప్రతీక అని పేర్కొన్నారు.
భగత్ సింగ్ సేవలను గుర్తిస్తూ ఆయనకు భారతరత్న పురస్కారం ఇవ్వాలని కేంద్ర ప్రభుత్వాన్ని డిమాండ్ చేశారు. అలాగే పార్లమెంట్ ప్రాంగణంలో భగత్ సింగ్ విగ్రహాన్ని ఏర్పాటు చేయాలని కోరారు. దేశ యువతకు ఆయన జీవితం ఆదర్శంగా నిలుస్తుందని తెలిపారు.
మహాసభ అనంతరం సంఘం మండల కమిటీని ఎన్నుకున్నారు. ఆకాశ మండల అధ్యక్షుడిగా మల్లయ్య, కార్యదర్శిగా అనిల్ కుమార్, ఉపాధ్యక్షులుగా పార్వతమ్మ, చిన్నయ్యలను ఎంపిక చేశారు. కమిటీ సభ్యులుగా కొమ్ము నిరంజన్, మల్లమ్మ, ఆంజనేయులు తదితరులను ఎన్నుకున్నారు.
ఈ కార్యక్రమంలో సంఘం నాయకులు, సభ్యులు, స్థానికులు పెద్ద ఎత్తున పాల్గొన్నారు. భగత్ సింగ్ ఆశయాలను ముందుకు తీసుకెళ్లాలని పిలుపునిచ్చారు.
