TUTF క్యాలెండర్ ఆవిష్కరణకు ఘనత
మన భారత్, ఆదిలాబాద్: TUTF ఆదిలాబాద్ జిల్లా శాఖ ఆధ్వర్యంలో ముద్రించిన వాల్ క్యాలెండర్, టేబుల్ క్యాలెండర్లను ఆదిలాబాద్ పార్లమెంట్ సభ్యులు గోడం నగేష్ TUTF రాష్ట్ర అధ్యక్షులు తుమ్మ లచ్చిరాం తో కలిసి ఆవిష్కరణ చేశారు.
ఈ సందర్భంగా ఎంపీ గోడం నగేష్ మాట్లాడుతూ, ఉద్యోగులు, కార్మికుల హక్కుల పరిరక్షణలో TUTF పాత్ర ప్రశంసనీయమని అన్నారు. కార్మిక సంక్షేమం కోసం సంఘం చేపడుతున్న కార్యక్రమాలు సమాజానికి దిశానిర్దేశం చేస్తున్నాయని పేర్కొన్నారు. భవిష్యత్తులో కూడా ఉద్యోగుల సమస్యల పరిష్కారానికి సంఘం ముందుండి పనిచేయాలని ఆకాంక్షించారు.
రాష్ట్ర అధ్యక్షులు తుమ్మ లచ్చిరాం మాట్లాడుతూ, TUTF బలోపేతం కోసం జిల్లా స్థాయి నుంచి రాష్ట్ర స్థాయి వరకు సమన్వయంతో పనిచేస్తున్నామని తెలిపారు. కార్మికుల ఐక్యతే సంఘ బలం అని పేర్కొంటూ, రానున్న కాలంలో మరిన్ని ఉద్యమాలు, అవగాహన కార్యక్రమాలు నిర్వహిస్తామని అన్నారు.
జిల్లా నాయకులు ఎస్. శ్రీకాంత్, ఎం. జలంధర్ రెడ్డి మాట్లాడుతూ, క్యాలెండర్ ఆవిష్కరణ కార్యక్రమం సంఘ కార్యకర్తలకు ఉత్సాహాన్ని నింపిందన్నారు. జిల్లాలోని ఉద్యోగులు, కార్మికుల సమస్యలపై నిరంతరం పోరాటం కొనసాగిస్తామని స్పష్టం చేశారు.
ఈ కార్యక్రమంలో TUTF జిల్లా అధ్యక్షుడు–ప్రధాన కార్యదర్శి ఎస్. శ్రీకాంత్, జిల్లా ప్రధాన కార్యదర్శి ఎం. జలంధర్ రెడ్డి ,నాయకులు, కార్యకర్తలు పెద్ద సంఖ్యలో పాల్గొని కార్యక్రమాన్ని విజయవంతం చేశారు.