తొలిరోజే నామినేషన్ల వరద.!

గ్రామ పంచాయతీ ఎన్నికల్లో ఉత్సాహం ఉరకలు – సర్పంచ్, వార్డు స్థానాలకు భారీ ఎత్తున దరఖాస్తులు

మన భారత్, తెలంగాణ: తెలంగాణ గ్రామ పంచాయతీ ఎన్నికలకు తొలి రోజు నుంచే భారీ స్పందన లభించింది. నోటిఫికేషన్ విడుదలైన వెంటనే రాష్ట్రవ్యాప్తంగా అభ్యర్థులు నామినేషన్ల దాఖలులో హడావుడి చేశారు. ఒక్కరోజులోనే 3,242 సర్పంచ్, 1,821 వార్డు సభ్యుల స్థానాలకు నామినేషన్లు సమర్పించడంతో ఎన్నికల వేడి స్పష్టమైంది.

రాష్ట్ర ఎన్నికల కమిషన్ ప్రకారం, తొలి విడత నామినేషన్ల స్వీకరణ ఈ నెల 29 వరకు కొనసాగుతుంది. 30న పరిశీలన, డిసెంబర్ 3వ తేదీ వరకు విత్‌డ్రా చేసుకునే అవకాశం ఉంది.

ఈ విడతలో మొత్తం 4,236 గ్రామాలకు, 37,440 వార్డులకు పోలింగ్ జరగనుంది. తొలి విడత పోలింగ్ డిసెంబర్ 11న నిర్వహించనున్నట్లు అధికారులు తెలిపారు.

ఎన్నికల ప్రక్రియ ప్రారంభమైన తొలి రోజే వచ్చిన భారీ నామినేషన్లు ఈ ఎన్నికల్లో పోటీ ఎంత తీవ్రంగా ఉంటుందో ముందుగానే సూచిస్తున్నాయి.