కరువు మండలంగా ప్రకటించాలి..

కరువు మండలంగా ప్రకటించాలి
పశువులు, బర్రెల కు మేత సరఫరా చేయాలి
సీపీఎం తాడూరు మండల కార్యదర్శి అంతటి కాశన్న డిమాండ్

మన భారత్ ,తాడూరు: మండల కేంద్రంలోని పశువులకు బర్రెలకు మేత సరఫరా చేయాలని నిరసన కార్యక్రమం సిపిఎం పార్టీ ఆధ్వర్యంలో నిర్వహించడం జరిగింది ఈ సందర్భంగా సిపిఎం తాడులు మండల కార్యదర్శి అంతటి కాశన్న ప్రభుత్వాన్ని డిమాండ్ ఈ సందర్భంగా ఆయన మాట్లాడుతూ
తాడూరు మండలాన్ని కరువు మండలంగా ప్రకటించి, తీవ్ర ఇబ్బందులు ఎదుర్కొంటున్న రైతులను ప్రభుత్వం అన్ని విధాలుగా ఆదుకోవాలని నాయకులు డిమాండ్ చేశారు.
, తాడూరు మండలంలో రైతులు పంటల సాగు విషయంలో అనేక సమస్యలు ఎదుర్కొంటున్నారని, వ్యవసాయం గిట్టుబాటు కాక ఆర్థిక ఇబ్బందుల్లో కూరుకుపోతున్నారని అన్నారు. పంటల నష్టాలు, పశువుల మేత కొరత రైతులకు మరింత భారంగా మారుతున్నాయని పేర్కొన్నారు.

ప్రభుత్వం తక్షణమే స్పందించి తాడూరు మండలాన్ని కరువు మండలంగా ప్రకటించాలని డిమాండ్ చేశారు. రైతులు బ్యాంకులు, ఇతర ఆర్థిక సంస్థల నుంచి తీసుకున్న వ్యవసాయ రుణాలను మాఫీ చేసి, కొత్త రుణాలు అందేలా చర్యలు తీసుకోవాలని కోరారు. పంట నష్టాలపై సమగ్ర సర్వే నిర్వహించి అర్హులైన రైతులకు నష్టపరిహారం అందించాలని అన్నారు.

అలాగే పశువులు, బర్రెలకు మేత కొరత లేకుండా ప్రభుత్వం వెంటనే పశుగ్రాసాన్ని సరఫరా చేయాలని, అవసరమైన చోట్ల పశువుల కోసం ప్రత్యేక మేత కేంద్రాలను ఏర్పాటు చేయాలని కోరారు. రైతులకు ఆర్థిక సహాయం అందించి వ్యవసాయ రంగాన్ని, పశుసంపదను కాపాడాలని ప్రభుత్వాన్ని డిమాండ్ చేశారు.

రైతుల సమస్యలను ప్రభుత్వం నిర్లక్ష్యం చేయకుండా తక్షణమే స్పందించి, తాడూరు మండల రైతులకు న్యాయం చేయాలని అంతటి కాశన్న విజ్ఞప్తి చేశారు.

ప్రధాన డిమాండ్లు:
– తాడూరు మండలాన్ని కరువు మండలంగా ప్రకటించాలి.
– రైతులు తీసుకున్న వ్యవసాయ రుణాలను మాఫీ చేయాలి.
– పంట నష్టపోయిన రైతులకు నష్టపరిహారం అందించాలి.
– పశువులు, బర్రెలకు ఉచితంగా పశుగ్రాసం సరఫరా చేయాలి.
– రైతులకు ఆర్థిక సహాయం అందించి అన్ని విధాలుగా ఆదుకోవాలి. ఈ కార్యక్రమంలో సిపిఎం శాఖ కార్యదర్శి శ్యాంసుందర్ రాములు. కృష్ణ రాము.చంద్రయ్య భీముడు తదితరులు పాల్గొన్నారు