కొత్తూరులో దుర్గాదేవి అమ్మవారిని దర్శించుకున్న ఎమ్మెల్యే అనిల్ జాదవ్
మన భారత్, తలమడుగు: అక్టోబర్ 17, తలమడుగు మండలంలోని కొత్తూరు గ్రామంలో కొలువై ఉన్న శ్రీ దుర్గాదేవి అమ్మవారిని ఎమ్మెల్యే అనిల్ జాదవ్ శనివారం దర్శించుకున్నారు. ఆలయానికి చేరుకున్న ఎమ్మెల్యేకు స్థానిక ప్రజాప్రతినిధులు, బీఆర్ఎస్ నాయకులు, గ్రామస్థులు స్వాగతం పలికారు.
ఈ సందర్భంగా ఎమ్మెల్యే అనిల్ జాదవ్ అమ్మవారికి ప్రత్యేక పూజలు నిర్వహించి మొక్కులు చెల్లించుకున్నారు. ఆలయంలో కొంతసేపు పూజా కార్యక్రమాల్లో పాల్గొని అమ్మవారి ఆశీస్సులు పొందారు. అనంతరం గ్రామస్థులతో మాట్లాడి ఆలయ విశేషాలు, స్థానికంగా నిర్వహిస్తున్న ఆధ్యాత్మిక కార్యక్రమాల గురించి తెలుసుకున్నారు.
శ్రీ దుర్గాదేవి అమ్మవారి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఎమ్మెల్యే ఆకాంక్షించారు. ప్రజల శ్రేయస్సు, గ్రామాల్లో శాంతి, సౌభాగ్యం నెలకొనాలని ప్రార్థించినట్లు తెలిపారు.
ఈ కార్యక్రమంలో కొత్తూరు గ్రామ సర్పంచ్ జాలరాపు చంద్రశేఖర్, సుంకిడి సర్పంచ్ మగ్గిడీ నర్సమ్మ ప్రకాష్, స్థానిక ప్రజాప్రతినిధులు, బీఆర్ఎస్ నాయకులు, కార్యకర్తలు, గ్రామస్థులు తదితరులు పాల్గొన్నారు.
Cell Number : cell_number : 9573391945
User Name : user_name : Gontimukkula prasad
