కొత్త ఓటరు జాబితాలో పేరు లేకుంటే ఫారం-6తో దరఖాస్తు చేసుకోండి: బండారి అనూష సతీష్

మన భారత్, ఆదిలాబాద్: అక్టోబర్ 15: కొత్త ఓటరు జాబితాలో పేర్లు లేని వారు, అలాగే కొత్తగా ఓటరుగా నమోదు కావాలనుకునే అర్హులైన పౌరులు వెంటనే ఫారం-6 ద్వారా దరఖాస్తు చేసుకోవాలని ఆదిలాబాద్ మున్సిపల్ చైర్‌పర్సన్ బండారి అనూష సతీష్ కోరారు. స్పెషల్ ఇంటెన్సివ్ రివిజన్ (SIR) ప్రక్రియలో భాగంగా విడుదలైన ఓటరు జాబితాలో తమ పేరు ఉందో లేదో ప్రతి ఒక్కరూ పరిశీలించుకోవాలని సూచించారు.

ఈ సందర్భంగా ఆమె ఆదిలాబాద్ పట్టణ ప్రజలకు విజ్ఞప్తి చేస్తూ, ఓటరు జాబితాలో పేరు లేని అర్హులు అవసరమైన పత్రాలతో ఈ నెల 15, 16 తేదీల్లో తమ కాలనీల్లోని బూత్ లెవల్ ఆఫీసర్లను (BLO) సంప్రదించాలని తెలిపారు. గురువారం, శుక్రవారం ఆయా తేదీల్లో ఫారం-6 నింపి సంబంధిత అధికారులకు అందజేయాలని కోరారు.

దరఖాస్తుకు అవసరమైన పత్రాలు

కొత్తగా ఓటరు జాబితాలో పేరు నమోదు చేసుకోవాలనుకునే వారు టెన్త్ మెమో జిరాక్స్, ఆధార్ కార్డు జిరాక్స్, ఏదైనా ఒక గుర్తింపు కార్డు జిరాక్స్‌తో పాటు ఒక పాస్‌పోర్ట్ సైజు ఫొటో తీసుకెళ్లాలని సూచించారు. అవసరమైన వివరాలతో ఫారం-6 నింపి సంబంధిత BLOకు సమర్పించాలి.

ఓటు హక్కు ప్రజాస్వామ్యంలో కీలకమైనదని, అర్హులైన ప్రతి ఒక్కరూ తమ పేరు ఓటరు జాబితాలో ఉందో లేదో ముందుగానే నిర్ధారించుకోవాలని అనూష సతీష్ కోరారు. పేరు నమోదు కాని వారు నిర్ణీత గడువులో దరఖాస్తు చేసుకొని ఓటరు జాబితాలో తమ పేరును చేర్చుకునేందుకు చర్యలు తీసుకోవాలని విజ్ఞప్తి చేశారు.

గమనిక. దరఖాస్తు సమర్పించే ముందు సంబంధిత BLO వద్ద అవసరమైన పత్రాలు, దరఖాస్తు స్వీకరణ గడువు వివరాలను నిర్ధారించుకోవడం మంచిది.

Cell Number : cell_number : 9573391945

User Name : user_name : Gontimukkula prasad